கூத்தாநல்லூர் புரூனே ஜமாஅத்

வருந்துகிறோம்

2011-11-14T07:13:00.002+08:00

மதிப்பிற்குரிய நமதூர் ஜமால் Dr. பதுருதீன் அவர்கள் வபாத்தாகி விட்டார்கள். எல்லாம் வல்ல அல்லாஹ் அவர்கள் தெரிந்தோ, தெரியாமல் செய்த பாவத்தினை மன்னித்து, அவர்களை நல்லோர்களின் கூட்டத்தில் சேர்த்து வைப்பானாக, ஆமீன்! ஆமீன்!! யாரப்பல் ஆலமீன்!!! அன்னாரை இழந்து வாழும் நமதூர் மக்களுக்கும், அன்னாரின் குடும்பத்தார்களுக்கும் கூத்தாநல்லூர் புரூனே ஜமாஅத்தார்கள் சார்பாக ஆழ்ந்த இரங்கலை தெரிவித்துக் கொள்கிறோம்.

2011-11-07T08:00:00.000+08:00

தியாகப் பெருநாளாம் இப்புனிதத் திருநாளில் தியாகத்தை உணர்ந்தவர்களுக்கும், என் இனிய எமதூரார்களுக்கும், உலகலாவிய இஸ்லாமிய நண்பர்களுக்கும் கூத்தாநல்லூர் புரூனே ஜமாஅத்தார்கள் சார்பாக இதயம் நிறைந்த ஹஜ்ஜுப் பெருநாள் நல் வாழ்த்துக்களை தெரிவித்துக் கொள்கிறோம். இப்புனித நன்னாளில் எல்லாம் வல்ல அல்லாஹ் நம் அனைவரது பாவங்களையும் மன்னித்து, அருள்புரிந்து, நம் நியாயமான தேவைகள் அனைத்தையும் நிறைவேற்றித் தருவானாக, ஆமீன்! ஆமீன்!! யாரப்பல் ஆலமீன்!!!

என்றும் அன்புடன்,
ஜாஃபர்

2011-09-24T16:00:00.001+08:00

24/09/2011

தேர்வடக்குத்தெரு,

மரக்கடை, லெட்சுமாங்குடி.

புளியமரத்தார் அப்துல் ரெஜாக் சம்பந்தியும், M. ஹாஜா மைதீன் சகோதரர்களின் அக்காவும், முகம்மது ரபீக், முஜீபுர்ரஹ்மான் தாயாரும், A. அப்துல் அஜீஸ் மனைவியுமான வஹாப் நாச்சியா (47) மெளத்து. இன்று மாலை 5.00 மணிக்கு மரக்கடை பள்ளியில் நல்லடக்கம் செய்யப்படும்.

2011-09-21T16:12:00.000+08:00

21/09/2011

மெயின் ரோடு, கோட்டகச்சேரி.

மூங்கில்குடியார் அப்துல்லத்தீப் மகனும், மூங்கில்குடியார் தாஜுதீன், நூருல்அமீன் தகப்பனாருமான மூங்கில்குடியார் அப்துல்சலாம் (68) மௌத்து. இன்று மாலை 4:00 மணிக்கு கோட்டகச்சேரி பள்ளிக் கொல்லையில் நல்லடக்கம் செய்யப்படும்.

2011-09-19T15:00:00.003+08:00

19/09/2011

3-B, ஜமாலியா தெரு

சின்னமைனர் கட்டிமேட்டார் ஹமீதுசுல்தான் மகளும், கூப்பாச்சிகோட்டையார் P.S.N. அஹமது மனைவியும் கூப்பாச்சிகோட்டையார் அப்துல் சலாம், ஹலீம், மூமின், ஹாதி இவர்களின் தாயாரும் காட்டுலெப்பை ஜெஹபர்ஹுசைன் மாமியாருமான A.H. சக்கினா பீவி (75 ) மெளத்து. இன்று மாலை 5.00 மணிக்கு சின்னப்பள்ளி கொல்லையில் நல்லடக்கம் செய்யப்படும்.

2011-09-14T17:00:00.004+08:00

FRING – Very cheap calls to India…

குறைந்த செலவில் இந்தியாவிற்கு பேச
நிமிடத்திற்கு 0.01¢ மட்டுமே!

VOIP & SIP Technology மூலம் உலகின் எந்தப் பகுதியிலிருந்தும் இந்தியாவிற்கு மிகக்குறைந்த செலவில் ( நிமிடத்திற்கு 0.01¢ மட்டுமே) உங்கள் செல்போன் மூலமாக பேச முடியும். இதற்கு கம்ப்யூட்டர் தேவையில்லை. இதற்கு தேவை 3G & GPRS Internet / wifi வசதியுள்ள செல்போன் மற்றும் Fring Software சப்போர்ட் செய்யும் நவீன வசதியுள்ள செல்போன்கள் மட்டுமே. இத்தகைய வசதி Nokia N70 வகை செல்போன் மாடல்களிலிருந்தே கிடைக்கும். இதன் மூலம் உங்கள் குடும்பத்தார்கள், சுற்றத்தார்கள் மற்றும் நண்பர்களுக்கு, நினைத்த நேரத்திலும், தேவையான நேரத்திலும் அவர்களை அழைத்துப் பேச முடியும். அழைப்புக்காக காத்திருக்க வேண்டிய அவசியமோ, கால்பேக்கிற்கான காத்திருப்போ அல்லது ப்ரிபெய்ட் கார்டுகளை வாங்கிக்கொண்டு டயல்அப் செய்யவோ தேவையில்லை.

இதற்கு நீங்கள் செய்ய வேண்டியது http://www.fring.com என்ற முகவரிக்கு உங்கள் செல்போன் பிரவுசர் மூலமாக சென்று Fring சாப்ட்வேரை இலவசமாக டவுன்லோடு செய்து இன்ஸ்டால் செய்துக்கொள்ளவும். பின்னர் இன்ஸ்டால் ஆன Fringன் மூலமாக Signup செய்துக் கொள்ளவும். பின்னர் Fringoutல் €10.00 மதிப்பை உங்கள் கிரடிட் கார்ட் மூலமாக டாப்அப் செய்துக் கொள்ளவும். உங்களின் தொகை டாப்அப் ஆனவுடன் Fring மூலமாக உலகின் எப்பகுதிக்கும் உள்ள நபர்களின் செல்போனுக்கோ அல்லது லேண்ட்லைனுக்கோ கால் செய்யலாம். குறிப்பாக எந்த நாட்டிலிருந்தும் நம் இந்தியாவிற்கு அழைக்க நிமிடத்திற்கு 0.01¢ மட்டுமே. இதனால் உங்கள் தொலைபேசி செலவின் மாத பட்ஜெட்டில் நிறைய தொகையை மிச்சப்படுத்தலாம். Interested? ஆர்வமுள்ளவர்கள் Fringஐ ஒருமுறை உபயோகப்படுத்திப்பாருங்கள்! தெளிவான, எக்கோ இல்லாத கால் உங்கள் அனைவருக்கும் பிடிக்கும் என நினைக்கிறேன்.

உங்கள் யாருக்காவது Fring இன்ஸ்டால் செய்வது சம்பந்தமாக சந்தேகங்களோ அல்லது கிரடிட் கார்டு இல்லாதவர்கள் Fringoutல் டாப்அப் செய்ய வேண்டியிருந்தாலோ என்னை செல்போனில் +6738839077 தொடர்புக்கொள்ளவும். உங்களுக்கு தேவையான உதவியை (உங்கள் செல்போனில் Fring இன்ஸ்டால் முதல் Fringout டாப்அப் வரை) இலவசமாக செய்து தருகிறேன்.

2011-09-13T20:00:00.006+08:00

குர்ஆனின் குரல்

நம்பர் 1 இஸ்லாமிய மாத இதழ்

நமது சமுதாயத்தில் இஸ்லாமிய மாத இதழ்கள் பல வெளியாகியுள்ளது, எனினும் நீண்ட காலமாக சிறப்பாக வெளியாகி இன்று வரை நம் சமுதாய நலனில் அக்கரைக் கொண்டு சீரும் சிறப்புமாக உள்ள ஒரு சில பத்திரிகைகளில் மிக சிறப்பான இடத்தைக்கொண்டுள்ளது குர்ஆனின் குரல் மாத இதழாகும். நாம் ஏனைய தின, வார மற்றும் மாத இதழுக்குக் கொடுக்கும் ஆதரவை நம் இஸ்லாமிய பத்திரிகைகளுக்கு கொடுக்கின்றோமா? என்றால் இல்லை என்ற பதிலை நாம் அறிந்ததே ஆகும். மிக நல்ல பல இஸ்லாமிய பத்திரிகைகள்கூட நம் சமுதாய மக்களின் ஆதரவு இல்லாமல் மிகக்குறுகிய காலத்தில் பத்திரிக்கை நடத்தமுடியாமல் போனதையும் நாம் அறிந்தேயுள்ளோம்.

ஆனால் அல்லாஹ்வின் பேரருளால் 1958 வருடம் முதல் அல்லாமா அ.மு. அப்துல் ஜப்பார் பாகவி (ரஹ்) அவர்களால் நிறுவப்பட்டு இன்று மவ்லானா முஃப்தி அல்ஹாஜ் ’அஸ்அதுல் மில்லத்’ அ. முகம்மது அஷ்ரப் அலீ மன்பயீ அவர்களை ஆசிரியராகக் கொண்டு வெளியாகும் குர்ஆனின் குரல், இஸ்லாமிய பத்திரிகையாக மட்டும் அல்லாமல், இஸ்லாமிய மதரஸா, ஏழைக்குமர்களின் திருமணக் காரியங்கள் மற்ற இதர அனைத்து இஸ்லாமிய வாழ்வியல் முன்னேற்ற நிகழ்விலும் தன்னை இணைத்துக் கொண்டு நாளுக்கு நாள் வளர்ந்து உயர்ந்துக் கொண்டுள்ளது. இத்தகைய சிறப்பான நிகழ்வில் நம்முடைய பங்களிப்பாக என்ன செய்துள்ளோம்? நம்மில் எத்தனைப்பேர்களின் வீட்டில் குர்ஆனின் குரலுக்கான சந்தா இருக்கின்றது?

இன்ஷா அல்லாஹ் இனிமேலாவது நம் வீட்டில் அல்லாஹ்வின் ரஹ்மத் வர ஏற்பாடு செய்வோமாக! ஆமின். உங்கள் இல்லத்திற்கும் / இல்லப் பெண்டிருக்கும் குர்ஆனின் குரல் மாத இதழை மாதாமாதம் பெற விரைந்து ஏற்பாடு செய்யுங்கள். மூன்று வருடங்களுக்கான சந்தா B$ 12.00 மட்டுமே செலுத்துங்கள். இது ஏனைய அனைத்துப் பத்திரிகைகளையும்விட நீங்கள் செலுத்தும் இந்த தொகை மிகக் குறைவானதே ஆகும். புருனையில் வாழும் நமதூர் மற்றும் நம் சமுதாய மக்கள் சந்தா செலுத்த என்னை தொடர்புக்கொள்ளவும். இன்ஷா அல்லாஹ் இந்தியாவில் உள்ள உங்கள் வீடுகளுக்கு மாதாமாதம் குர்ஆனின் குரல் தபால் மூலம் பெற ஏற்பாடு செய்து தருகிறேன்.

இப்பதிவை வெறுமனே படித்து அடுத்தப் பதிவிற்கு செல்லாமல், இதனைப்படிக்கும் ஒவ்வொருவரும் அவர்கள் வீட்டில் குர்ஆனின் குரல் சந்தா இருக்க வேண்டும் என்பதே என் விருப்பம். இன்ஷா அல்லாஹ் குர்ஆனின் குரலுக்கான உங்கள் குரலை ஆவலுடன் எதிர்ப்பார்க்கின்றேன்.

என்றும் அன்புடன்,
ஜெஹபர்தீன்.
+6738839077

2011-09-13T14:00:00.003+08:00

அன்புடையீர்,

அஸ்ஸலாமு அலைக்கும் (வரஹ்...)

சில பல தவிர்க்க முடியாத காரணங்களால் இந்த வலைப்பூ இடையில் சில காலங்கள் மேம்படுத்தப்பட முடியாமல் போனது. ஆனாலும் நம் நண்பர்கள் நேரிலும், தொலைபேசியிலும், ஈமெயில் மூலமும் இந்த வலைப்பூவை தொடரச் சொல்லி அன்புக்கட்டளை இட்டார்கள். மேலும் இந்த வலைப்பூ மேம்படுத்தப்படாமல் இருந்த போதிலும் தொடர்ந்து இந்த வலைப்பூவிற்கு வருகைபுரிந்த அன்பர்களும் இருந்து வந்தார்கள் என்பது குறிப்பிடத்தக்கது. ஆகையால் இனிமேல் இன்ஷா அல்லாஹ் என்ன வேலையாக இருந்தாலும் சரி இனிமேல் இந்த வலைப்பூவை மேம்படுத்தி விடுகிறேன். இனி இந்த வலைப்பூ பல்சுவை இதழாக தொடர்ந்து மேம்படுத்தப்படும் என்பதை அன்புடன் தெரிவித்துக் கொள்கிறேன். நமது நண்பர்கள் இந்த வலைப்பூவிற்கு முன்னர் தந்த நல்ஆதரவை தொடர்ந்து தருமாறு அன்புடன் கேட்டுக்கொள்கிறேன். நமது நண்பர்கள் தங்களது படைப்புகளையும் தொடர்ந்து அனுப்பி வையுங்கள். யாரையும் புண்படுத்தாமல் பொதுவான விஷயங்களாக இருக்கட்டும்.

வஸ்ஸலாம்.

என்றும் அன்புடன்,
ஜெஹபர்தீன்.

2010-07-03T17:00:00.001+08:00

நித்திரைக்கு முன்...

காருண்ய நபி (ஸல்) அவர்கள் தனதருமை பிராட்டியார் ஆயிஷா (ரலி) அவர்களிடம் ஓரிரவில், “நீ குர்ஆனை முடிக்காமல் படுக்க வேண்டாம், என்னையும் முந்திய நபிமார்களையும் உமக்கு ஷஃபாஅத் செய்யும்படி ஆக்காமல் படுக்க வேண்டாம், ஹஜ்ஜோ அல்லது உம்ராவோ செய்யாமல் நீ துயில் கொள்ள வேண்டாம், விசுவாசிகள் அனைவரும் உன்னை பொருந்தியிருக்கும்படி ஆக்காமல் நீ உறங்க வேண்டாம்” என்று கூறிவிட்டு தொழச்சென்று விட்டார்கள். அண்ணலார் தொழுது முடித்து வந்ததும் அன்னை ஆயிஷா (ரலி) அவர்கள், “யா ரசூலுல்லாஹ்! இவையனைத்தையும் இந்நேரத்தில் செய்வதற்கு சக்தி பெற்றவராக இல்லையே” என்றனர். இதனைக் கேட்ட அண்ணலார் புன்முறுவல் செய்தவர்களாக, “சூரா அல்இக்லாஸை நீ ஓதினால் குர்ஆனை முடித்ததாக ஆகிவிடுகிறாய், எம் மீதும் முந்தைய நபிமார்கள் மீதும் நீ ஸலவாத்து கூறினால் எங்களை ஷஃபாஅத் செய்யக் கூடியவர்களாக நீ ஆக்கிவிட்டாய், சுப்ஹானல்லாஹி வல்ஹம்துலில்லாஹி வலா இலாஹ இல்லல்லாஹீ வல்லாஹீ அக்பர் என்று கூறினால் ஹஜ் அல்லது உம்ரா செய்த்ததாகி விடுகின்றாய், விசுவாசிகளுக்குப் பிழை பொருக்கத் தேடுவாயானால் அவர்கள் அனைவரும் உன் மீது பொருத்தம் கொள்ளக் கூடியவர்களாக ஆக்கிவிட்டாய்” என்று நவின்றனர். மிக எளிதான இந்த அமல்களின் மூலம் இம்மாபெரும் பாக்கியங்களை அடைவோமாக!

2010-05-19T17:00:00.000+08:00

19/05/2010
123, A.R.ரோடு

ஆதம் அப்துல் காதிர் மகளும், கோ.மு.அ. முகம்மது மைதீன் மனைவியும், கோ.மு.அ. ஜியாவுதீன், செய்யது அஹமது கபீர் தாயாரும், ஆதம் ரஷீது அலி, அலி மைதீன் சகோதரியுமான ஆதம் ஸல்மா நாச்சியா (வயது 65) மெளத்து. இன்று மதியம் 12.30 மணிக்கு பெரியப் பள்ளிக்கொல்லையில் நல்லடக்கம் செய்யப்படும்.

2009-11-21T00:15:00.000+08:00

அன்புடையீர்,

அஸ்ஸலாமு அலைக்கும் (வரஹ்...)

நமதூர் நன்மைக்காக அல்அமான் இளைஞர் இயக்கம் மூலமாக செயல்பட்டு வந்த ஆம்புலன்ஸ் விபத்துக்குள்ளானதை நாம் அனைவரும் அறிவோம். எல்லாம் வல்ல அல்லாஹ்வின் பேரருளாலும், நமதூரின் கொடையாளர்கள் மூலமாகவும் தற்போது புதிய ஆம்புலன்ஸ் ஒன்றை அல்அமான் இளைஞர் இயக்கத்தார்கள் வாங்கி சிறிதுகாலம் தொய்வடைந்த இச்சேவையை மீண்டும் தொடங்கியுள்ளார்கள். நமதூருக்கு ஆம்புலன்ஸ் மிக முக்கியமான ஒரு தேவை என்பதை நாம் எல்லோரும் அறிவோம். இச்சேவை சிறப்புடன் செயல்பட நம்மாலான உதவியை அவர்களுக்கு வழங்க கூத்தாநல்லூர் புரூனே ஜமாஅத்தார்கள் முடிவு செய்து இருப்பதால், உங்களால் ஆன உதவியை சிறு அல்லது பெருந்தொகை மூலமாக கொடுத்துதவி இந்த தன்னலமற்ற சேவையில் நாமும் பங்கு பெற்றுக்கொள்ளுமாறு அன்புடன் கேட்டுக்கொள்கிறோம்.
.

2009-10-18T00:18:00.000+08:00

18/10/2009
41, மேலத் தெரு

கணக்கப்பிள்ளை முகம்மது யூசுப் மகளும், கொட்டப்பக்கி முகம்மது அப்துல்லாஹ் மனைவியும், கணக்கப்பிள்ளை கமால்தீன், ஜியாவுதீன் சகோதரியும், பஷீர் அகமது, நஸீர் அகமது, ஜுபைர் அகமது தாயாரும், அல்லிராய் ஜெகபர்தீன் மாமியாருமான நபீஸா பீவி (வயது 75) மெளத்து. நாளை காலை 10.30 மணிக்கு மேலப்பள்ளிக் கொல்லையில் நல்லடக்கம் செய்யப்படும்.

2009-10-18T00:12:00.000+08:00

18/10/2009
71, மேலத் தெரு

பொதக்குடியார் அப்துல் ஹமீது மருமகனும், முகம்மது யாகூப், முகம்மது அமீன், முகம்மது தமீம் மச்சானும், அடி சுல்தான் சம்பந்தரும், கட்டிமேடு முகம்மது இப்றாஹீம், முகம்மது ஆரிப் தகப்பனாருமான முகம்மது அமீன் (வயது 50) மெளத்து. இன்று மாலை 4.30 மணிக்கு மேலப்பள்ளிக் கொல்லையில் நல்லடக்கம் செய்யப்படும்.

2009-10-11T23:00:00.000+08:00

11/10/2009
I.P. கோயில் தெரு, திருவாரூர்.

சேமுலெப்பை முகம்மது அபூபக்கர் மகளும், கூத்தூர் O.M. ஷேக் தாவூது மனைவியும், நூர்தீன் N.M. ஹாஜா மைதீன் சிறிய தாயாரும், சேமுலெப்பை அப்துல் ரஹ்மான் சகோதரியுமான சேமுலெப்பை உம்மல் ஃபஜ்ரியா (வயது 85) மெளத்து. இன்று மாலை 4.00 மணிக்கு விஜயபுரம் பள்ளிக் கொல்லையில் நல்லடக்கம் செய்யப்படும்.

2009-10-11T00:00:00.000+08:00

11/10/2009
37 A/1, ஜின்னா தெரு

ஹாஃபிஸா ஹாஜி ஹபீபுல்லாஹ் பாய் மனைவியும், ஆதங்கனி S.A. அப்துல் கரீம் சம்பந்தியும், சித்திக் மைதீன், பாதுஷா மைதீன் தாயாரும், பக்ருதீன் அகமது, ஷபாஅத் அகமது அத்தம்மாவும், கோவிந்தக்குடி அப்துல் கரீம் மாமியாருமான மரியம்பீவி (வயது 80) மெளத்து. நாளை காலை (12/10/2009) அன்று 10.00 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

2009-10-10T23:00:00.000+08:00

10/10/2009
66, கீழத்தெரு, மரக்கடை

தொ.ப. முகம்மது அப்துல்லாஹ் மகனும், தொ.ப. அப்துல் அஜீஸ் சகோதரரும், தொ.ப. முகம்மது சாதிக் தகப்பனாரும், A.S. ஃபஜ்லுர் ரஹ்மான் மச்சானும், தொ.ப. முகம்மது கபீர் மாமனாரும், புளியமரத்தார் முகம்மது அலி சம்பந்தருமான தொ.ப. முகம்மது அலி (வயது 67) மெளத்து. இன்று மாலை 5.00 மணிக்கு மரக்கடை பள்ளிக் கொல்லையில் நல்லடக்கம் செய்யப்படும்.

2009-10-02T00:00:00.001+08:00

1/10/2009
64, பாய்க்கார தெரு

தி.மு. கமால்தீன் மகனும், தி.மு.க. நூர்முகம்மது, சேக்முகம்மது, பாதுஷா மைதீன் அவர்களின் சகோதரரும், கமால் பாட்சா மைத்துனருமான தி.மு.க. அன்வர் அலி (வயது 30) மெளத்து. இன்று (2/10/2009) காலை 11.00 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

2009-09-22T23:00:00.001+08:00

22/09/2009
5-B, ரஹ்மானியா தெரு

ஹாஜி K.R. காதர்பாட்சா மகளும், K.A. அப்துல் ரஷீது மனைவியும், N.K.A. நூரும் அஹமது, S.A. அன்வர் அலி, A.V.K. முஸ்தாக் அகமது அவர்களின் மாமியாரும், K.R.K.கமால்தீன் சகோதரியுமான K.R.K. ஆமீனா பீவி (வயது 63) மெளத்து. இன்று மதியம் 1.00 மணிக்கு சென்னையில் நல்லடக்கம் செய்யப்படும்.

Selamat Hari Raya

2009-09-20T07:00:00.003+08:00

Selamat Hari Raya

aidilifitri

Dengan Ingatan Tulus Ikhlas

Maaf Zahir Batin

அஸ்ஸலாமு அலைக்கும் (வரஹ்...)

உலகமெல்லாம் வசிக்கும் எமதருமை கூத்தாநல்லூர் மற்றும் அனைத்து இஸ்லாமிய மக்களுக்கும் கூத்தாநல்லூர் புரூனே ஜமாஅத்தார்கள் சார்பாக இனிய நோன்பு பெருநாள் நல்வாழ்த்துக்களை தெரிவித்துக் கொள்கிறோம்.

எல்லாம் வல்ல அல்லாஹ் இந்த இனிய நன்னாளில் நம் பாவங்கள் அனைத்தையும் மன்னித்து நீடித்த ஆயுளையும், நிறைந்த ஆரோக்கியத்தையும், அனைத்து சுகங்களையும் தந்தருள வேண்டிக் கொள்வோம்.

ஆமீன்! ஆமீன்!! யாரப்பல் ஆலமீன்!!!

என்றும் அன்புடன்,
கூத்தாநல்லூர் புரூனே ஜமாஅத்தார்கள்

மெளத்து செய்திகள்

2009-09-10T14:00:00.000+08:00

10/09/2009
9, ஜின்னா தெரு

விட்டுக்கட்டியார் முகம்மது இஸ்மாயில் மகனும், விட்டுக்கட்டியார் பஷீர் அகமது அண்ணன் மகனும், விட்டுக்கட்டியார் ஷேக்தாவூது அண்ணனும், V.B.சிராஜ், V.B. நிஜாமுதீன், V.B.ரியாஸ்தீன் சகோதரரும், சானரத்தார் அனவர்தீன், தாஜுதீன் மச்சானுமான M.A.ஜெஹபர்தீன் (வயது 75) மெளத்து. இன்று மதியம் 1.00 மணிக்கு சின்னப்பள்ளிக்கொல்லையில் நல்லடக்கம் செய்யப்படும்.

கூத்தாநல்லூர் ஆம்புலன்ஸ் விபத்து

2009-09-10T13:00:00.001+08:00

09/09/2009 அன்று அதிகாலை கூத்தாநல்லூர் ஜமாத் ஆம்புலன்ஸ் (அல்-அமான் இளைஞர் இயக்க ஆம்புலன்ஸ்) சென்னை மருத்துவமனையில் நோயாளியை அட்மிட் செய்துவிட்டு திரும்பி வரும் வழியில் எதிர்பாராதவிதமாக விபத்துக்குள்ளாகிவிட்டது. இதில் ஓட்டுனருடன் ஒத்தாசையாக சென்ற ஜனாப். முஹம்மது ஜின்னா (வயது 27 ) மரணம் அடைந்துவிட்டார் (இன்னாலில்லாஹி வ இன்னா இலைஹி ராஜூவூன்). ஆம்புலன்ஸை ஓட்டிச்சென்ற இயக்க ஓட்டுனர் பலத்த காயமடைந்து சிகிச்சைபெற்று வருகிறார். இந்த விபத்து சிதம்பரம் கடலூர் இடையில் கொத்தடை கிராமத்தில் அதிகாலை 3.30 மணியளவில் நடந்தது. எதிரே வந்த லாரி மற்றும் கார் ஒன்று கட்டுப்பாடு இல்லாது தாறுமாறாக வந்ததால், மோதுவதை தவிர்க்க நமது ஓட்டுனர் முயன்றதில் சாலையோரம் இருக்கும் புளிய மரத்தில் மோதி ஆம்புலன்ஸும் பெரும் சேதம் அடைந்தது. இயக்க நிர்வாகிகளும் உறுப்பினர்களும் உடனே சம்பவ இடத்துக்கு விரைந்துச் சென்று ஏனைய ஏற்பாடுகளை உடனிருந்து செய்தார்கள். ஜனாப். முஹம்மது ஜின்னா அவர்களின் ஜனாஸா அன்று இரவு 7:30 மணிக்கு சின்னப்பள்ளிக்கொல்லையில் நல்லடக்கம் செய்யப்பட்டது.

மெளத்து செய்திகள்

2009-09-10T11:30:00.000+08:00

10/09/2009
98, கமாலியா தெரு

ஹாஜி K.R. காதர்பாட்சா மகளும், ஹாஜி K.K.M அப்துல் ஷாபி மனைவியும், K.M.A.முகம்மது, K.M.A. அஹமது, K.M.A. தாஜுதீன் தாயரும், K.R.K கமாலுதீன் சகோதரியும், ஹாஜி சையரத்தர் ஜெஹபர்தீன், N.M. அமானுல்லாஹ் மாமியாருமான ஹஜ்ஜா K.R.K. அய்ஷா நாச்சியா (வயது 65) மெளத்து. இன்று காலை 11.30 மணிக்கு சின்னப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-09-10T10:30:00.000+08:00

10/09/2009
7-B, நூரியா தெரு

சிலிங்கி முகம்மது இஸ்மாயில் மகனும், சிலிங்கி காதர் மைதீன் சகோதரரும், ஆலி அப்துல் ரஹீம் மருமகனும், ஆலி அப்ஜல்தீன், அக்பர்தீன், அக்தார்தீன் மச்சானும், சாலெப்பை அய்யூப்கான் மாமனாரும், சிலிங்கி முகம்மது இஸ்மாயில் தகப்பனாருமான சிலிங்கி ஹாஜா அன்வர்தீன் (வயது 60) மெளத்து. இன்று காலை 10.30 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-09-09T13:00:00.000+08:00

09/09/2009
ஆஸ்பத்திரி ரோடு

K.A.அப்துல் ரஹீம் பேரனும், கருத்தப்பா முகம்மது இஸ்மாயில் மருமகனும், பட்டேல் முகம்மது ஆரிப் மகனுமான முகம்மது ஜின்னா (வயது 27) மெளத்து. இன்று இரவு 7.30 மணிக்கு சின்னப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-09-07T13:00:00.000+08:00

07/09/2009
89, பெரிய தெரு

புளியமரத்தார் முகம்மது கனி மகனும், ஆசியப்பன் அப்துல் ஸலாம் மருமகனும், T.M.S. தாஜ் முகம்மது, S.N. அஷ்ரப் அலி மாமனாரும், புளியமரத்தார் முகம்மது நாசர் தகப்பனாருமான புளியமரத்தார் அப்துல் லதீஃப் (வயது 75) மெளத்து. இன்று மதியம் 1.00 மணிக்குப் பெரியப்பள்ளிக்கொல்லையில் நல்லடக்கம் செய்யப்படும்.

மெளத்து செய்திகள்

2009-09-06T13:00:00.000+08:00

06/09/2009
OD-1, ஜாவியா தெரு

சேவலி நூருல் அமீன் சம்மந்தியும், வெள்ளையர் பகுருதீன் மாமியாரும், அப்துல் சத்தார் மனைவுயும், ஹாஜா மைதீன் தாயாரும், முஹம்மது, அஹமது, செய்யது அலி உம்மம்மாவுமான ஜமீலா பீவி (வயது 80) மெளத்து. இன்று மதியம் 1.30 மணிக்கு பெரியப்பள்ளிக்கொல்லையில் நல்லடக்கம் செய்யப்படும்.

மெளத்து செய்திகள்

2009-09-05T17:00:00.000+08:00

05/09/2009
28, ஜின்னாத் தெரு

ஜெயிலாதி முஹம்மது மைதீன் மகனும், வாஞ்சுலெப்பை அப்துல் ஜப்பார் மருமகனும், ஜெயிலாதி நூர்மைதீன், கமால் மைதீன் அண்ணனும், நரியர் நசீர் அகமது மாமனாரும், ஜெயிலாதி ஜாகிர்ஹூசைன் தகப்பனாருமாகிய ஜெயிலாதி ஹாஜா மைதீன் (வயது 81) மெளத்து. இன்று மாலை 5.00 மணிக்கு சென்னையில் உள்ள பள்ளிக்கொல்லையில் நல்லடக்கம் செய்யப்படும்.

மெளத்து செய்திகள்

2009-08-30T19:00:00.002+08:00

30/08/2009
33, அன்வரியா தெரு

அவுக்கூர் முஹம்மது காசிம், ஜபருல்லா மருமகனும், S.H.அப்துல் சலாம் மகனும், P.M.A.சீனிமுஹம்மது, P.M.A.சீனிஜெகபர் சாதிக் சகோதரியின் மகனும், S.H.A.முஹம்மது இஸ்மாயில், S.H.A.இம்ரான் பரீத் சகோதரரும், அவுக்கூர் ரைஸ்முகம்மது, அஜ்மல்கான் மச்சானுமான S.H. நூர் முகம்மது (வயது 33) மௌத்து. இன்று இரவு 8.00 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

திருக்குர்ஆன் ஓதுவதன் சிறப்பு!

2009-08-26T19:30:00.000+08:00

திருக்குர்ஆனை அதிகம் ஓதுவதற்கு முயற்சி செய்யுங்கள். குறிப்பாக இந்தப் புனிதமிகு ரமலான் மாதத்தில்தான் திருக்குர்ஆன் இறக்கியருளப்பட்டது. இந்த மாதத்தில் திருக்குர்ஆனை அதிகம் ஓதுவது சிறப்பிற்குரியது. ஜிப்ரீல் (அலை) அவர்கள் நபி (ஸல்) அவர்களுக்கு ஒவ்வொரு ஆண்டும் ஒரு தடவை ஓதிக்காட்ட நபி அவர்கள் கேட்டுக் கொண்டிருந்தார்கள்.

ஆனால் எந்த ஆண்டு நபி (ஸல்) அவர்கள் மரணமடைந்தார்களோ, அந்த ஆண்டு மனதில் நன்கு பதிய வைப்பதற்காகவும், உறுதிப்படுத்துவதற்காகவும் இரண்டு தடவை ஓதிக் காட்டினார்கள். நல்லோர்களான நம்முன்னோர்கள் ரமலான் மாதத்தில் தொழுகையிலும், வெளியிலும் குர்ஆனை அதிகம் ஓதக் கூடியவர்களாக இருந்தார்கள்.

குர்ஆன் ஓதுவது என்பது இரண்டு வகைப்படும் : திலாவா ஹக்மிய்யா, திலாவா லஃப்ளிய்யா.

திலாவா ஹக்மிய்யா என்றால், குர்ஆனின் செய்திகள் உண்மையென ஏற்பதும் அதன் சட்டங்களை அமுல்படுத்துவதுமாகும். அதன் ஏவல்களைச் செய்வதன் மூலமும், அதன் விலக்கல்களை விட்டு விலகுவதன் மூலமும் அதனைப் பின்பற்றுதலைக் குறிக்கும்.

திலாவா லஃப்ளிய்யா என்றால், கிராஅதுல் குர்ஆன் என்கிற ஓதுதலாகும். இதன் சிறப்பு குறித்து, ஏராளமாக குர்ஆனின் வசனங்களும், நபிமொழிகளும் உள்ளன. குர்ஆன் முழுவதையும் ஓதுவதன் சிறப்பு குறித்தும், குறிப்பிட்ட அத்தியாயங்களை ஓதுவதன் சிறப்பு குறித்தும் அவை பேசுகின்றன.

குர்ஆனை ஓதுங்கள். நிச்சயமாக அது தன்னை ஓதக் கூடியவர்களுக்கு மறுமை நாளில் பரிந்துரை செய்யக் கூடியதாக வரும் எ‌‌ன்று ந‌பி (ஸ‌ல்) அவ‌ர்க‌ள் கூ‌‌றினா‌ர்க‌ள்.

எந்த ஒரு குழுவினர் அல்லாஹ்வுடைய பள்ளிவாசலில் ஒன்று கூடி குர்ஆனை ஓதுகிறார்களோ மேலும் தங்களுக்கிடையே அதனை ஆய்வு செய்கிறார்களோ அவர்கள் மீது நிச்சயம் அமைதி இறங்குகிறது. அவர்களைக் கருணை சூழ்கிறது. மேலும் அவர்களை மலக்குகள் வளைந்து கொள்கிறார்கள். அல்லாஹ் அவர்களைப் பற்றி தன்னிடம் உள்ளவர்களிடம் எடுத்துரைக்கின்றான்.

குர்ஆனைத் தொடர்ந்து ஓதி வாருங்கள். எனது உயிர் யார் கை வசம் உள்ளதோ அந்த இறைவன் மீது சத்தியமாக! இந்தக் குர்ஆன் (தொழுவத்தில்) கட்டப்பட்டுள்ள ஒட்டகத்தை விட வேகமாக பிய்த்துக் கொண்டு ஓடக் கூடியதாக இருக்கிறது.

உங்களில் எவரும் இந்த ஆயத் - வசனத்தை நான் மறந்து விட்டேன் எ‌ன்று சொல்ல வேண்டாம். உண்மையில் அவர் தான் மறக்கடிக்கப்பட்டார்

நான் மறந்து விட்டேன் என்பதன் காரணம், குர்ஆனில் அவர் மனனம் செய்திருந்தவை குறித்து அவர் பொடுபோக்காக இருந்து விட்டார். அதை மறந்து விடும் அளவுக்கு அவர் அலட்சியத்துடன் இருந்திருக்கின்றார் என்பதையும் காட்டுகின்றது. அதாவது குர்ஆனுக்கும் அவருக்கும் தொடர்பின்மையைக் காட்டுகின்றது.

நிச்சயமாக இ‌ந்தக் குர்ஆன் அல்லாஹ்வின் விருந்துபச்சாரமாகும். அவனது விருந்துபச்சாரத்தை ஏற்றுக் கொள்ளுங்கள். திண்ணமாக இந்தக் குர்ஆன் அல்லாஹ்வின் உறுதியான கயிறு, தெளிவான ஒளி, பயனுள்ள நிவாவரணியாகும். இந்தக் குர்ஆனை யார் பற்றிப் பிடித்து நிற்கிறாரோ அவருக்குப் பாதுகாப்பாகவும், அதைப் பின்பற்றி வாழ்பவர்களுக்கு ஈடேற்றமாகவும் திகழ்கிறது. அதை ஓதுவதன் மூலம் ஒன்றுக்கு பத்து நன்மை என இறைவன் கூலி வழங்குவான். அல்லாஹ்விடம் கூலியையும் அவனது உவப்பையும் எதிர்பார்த்து யார் ஓதினாலும் அவர்களின் கூலி குறையாது. குறைவான அமல்களுக்கு ஏராளமான கூலிகள். நிவர்த்தி செய்ய முடியாத அந்த மறுமை நாளில் லாபம் ஈட்டத் தவறியவன் யாரோ அவன் தான் நஷ்டம் அடைந்தவன்.

பகல்-இரவு எல்லா நேரங்களிலும் எந்த அமல்கள் இறைவனோடு உங்களுக்கு நெருக்கத்தை ஏற்படுத்துமோ அந்த அமல்களைச் செய்வதைப் பெரும் பாக்கியமாகக் கருதுங்கள். ஆயுட்காலம் வேகமாகச் சுருட்டப்படுகின்றது. காலங்கள் அனைத்தும் எவ்வாறு கழிந்து செல்கிறதெனில் பகலின் சில மணி நேரங்கள் கழிந்தது போன்றே தோன்றுகின்றது.

யா அல்லாஹ்! உனது வேதத்தை உனக்குத் திருப்தி அளிக்கும் வகையில் ஓதுகின்ற பாக்கியத்தை எங்களுக்குத் தந்தருள்வாயாக! அதன் மூலம் எங்களை ஈடேற்றப் பாதையில் செலுத்துவாயாக! இருள்களிலிருந்து எங்களை வெளியேற்றி வெளிச்சத்திற்குக் கொண்டு வருவாயாக! மேலும் குர்ஆனை எங்களுக்குப் பாதகமாக அன்றி சாதகமாக ஆக்குவாயாக! அகிலம் முழுவதையும் படைத்துப் பரிபாலிக்கும் இரட்சகனே!

யா அல்லாஹ்! இந்தக் குர்ஆன் மூலம் எங்களது அந்தஸ்தை உயர்த்துவாயாக! மேலும் இதன் மூலம் எங்களை விட்டும் தீமைகளைப் போக்குவாயாக! உனது கருணையினால் எங்களுக்கும் எல்லா முஸ்லிம்களுக்கும், கருணையாளர்களில் எல்லாம் கருணையாளனே! பாவமன்னிப்பும் வழங்குவாயாக!

யா அல்லாஹ்! எங்களுடைய நோன்புகளைப் பாதுகாப்பாயாக! எங்களுக்குப் பரிந்துரை செய்யக் கூடியதாக அவற்றை ஆக்கியருள்வாயாக! மேலும் எங்கள் பாவங்களையும், எங்கள் பெற்றோர் பாவங்களையும் அனைத்து முஸ்லிம்களின் பாவங்களையும் மன்னித்தருள்வாயாக!

இனிய ரமலான் வாழ்த்துக்கள்

2009-08-22T12:15:00.003+08:00

அனைவருக்கும் இனிய ரமலான் நல்வாழ்த்துக்கள்.

இஸ்லாமிய செய்திகள்

2009-08-20T23:30:00.000+08:00

புனிதமிக்க இவ்வருடத்தின் ரமலான் மாதம் நம்மையெல்லாம் நன்மையின்பால் அழைக்க வந்திருக்கின்றது. எம்மாதத்திலும் இல்லாத சிறப்பாக இம்மாதத்தில் தகுதியுள்ள அனைவரின் மீதும் ஜகாத் கடமையாகின்றது. இறைவன் நமக்கு அளித்த பொருட்செல்வத்தை எவ்விதம் செலவு செய்தோம்? என்பது குறித்து நாம் மறுமையில் விசாரிக்கப்படுவோம். குறிப்பாக நாம் செலுத்த வேண்டிய ஜகாத் என்னும் ஏழை வரியை முறையாகக் கணக்கிட்டு செலுத்தினோமா? என்பது குறித்து நிச்சயமாக விசாரிக்கப்படுவோம். எனவே மறுமை வங்கிக் கணக்கின் சேமிப்பை எவ்வளவு அதிகப்படுத்துகிறோமா அவ்வளவுக்கு மறுமையில் நாம் பயன் பெறலாம்.

நமது அனைத்து சொத்துக்களுக்கான ஜகாத் விகிதத்தைக் கணக்கிட இதோ ஒரு எளிமையான கால்குலேட்டர். முறைப்படி ஜகாத் கொடுக்க எல்லாம் வல்ல அல்லாஹ் நமக்கு உதவி புரிவானாக!

டவுன்லோடு செய்ய இங்கே கிளிக் செய்யவும்...

வெளிநாட்டு மரண அறிவிப்பு

2009-08-17T23:00:00.000+08:00

17/08/2009
102, மேலத் தெரு

தோப்புக்கார ஷேக் அலாவுதீன் மகளும், தானாதி நூர்மைதீன் மனைவியுமான பஷிரா அம்மாள் (வயது 65) சிங்கப்பூரில் காலமாகிவிட்டார்.

இன்ஃபுளூயென்ஸா A (H1N1) ஓர் விளக்கம்

2009-08-14T20:00:00.003+08:00

உலகம் முழுவதும் பல இலட்சம் மக்களை இந்தக் காய்ச்சல் தொற்றிக்கொள்ளும் அபாயமிருப்பதால் அனைவரும் விழிப்புடன் செயற்படுமாறு கேட்டுக் கொள்ளப்படுகின்றனர். அடிப்படை சுகாதார வசதிகள் குறைந்த இந்தியா போன்ற நாடுகள் மிகவும் கவனமாக இருக்க வேண்டும்.

இந்த வைரஸால் பாதிக்கப்பட்டவர்களுக்கு காய்ச்சல், தலைவலி, உடல்வலி, குளிர்காய்ச்சல், தொண்டைவலி, வயிற்றுப்போக்கு, வாந்தி போன்றவை ஏற்படும். கவனக்குறைவாக இருப்பவர்களுக்கு இது உயிராபத்தை ஏற்படுத்தவல்லது. சாதாரண காய்ச்சலையும் இவ்வகை காய்ச்சல் என நினைத்து பயப்படத்தேவையில்லை. ஆனாலும் அலட்சியமாகவும் இருக்க வேண்டாம்.

இவ்வகை வைரசுகளை கட்டுப்படுத்தக்கூடிய மருந்துகள் (தமிஃபுளூ போன்றவை) பல இருந்தபோதும் இதை முன்கூட்டியே தடுக்கக்கூடிய தடுப்பு மருந்துகள் இதுவரை உலகில் கண்டுபிடிக்கப்படவில்லை. ஆயினும் தற்காப்பு நடவடிக்கைகள் மூலம் இதை தடுத்துக் கொள்ளலாம்.

நோய் காணப்படுகின்ற நாடுகளில் வாழ்பவர்கள் வாய்,மூக்கு பகுதிகளை மூடிக்கொள்ளுதல்,குப்பைகள் சேராமல் சூழலை சுத்தமாக வைத்திருத்தல்,நோயினால் பாதிக்கப்பட்டவர் இருமல் வரும் போது வாயில் துணியை வைத்து மறைத்துக் கொள்ளுதல்,நோயினால் பாதிக்கப்பட்ட பகுதிகளுக்கு சென்று வருவர்கள் தங்கள் வாய், கண்,மூக்குப் பகுதிகளை கையினால் தொடாதிருத்தல்,கைகளை சோப்பு இட்டு நன்றாகக் கழுவிக் கொள்ளுதல், மக்கள் நெருக்கடியான இடங்களில் அதிக நேரம் இருக்கக் கூடாது. நோய்க்கான அறிகுறிகள் உள்ளவர்களிடமிருந்து இரண்டடி தொலைவுக்கு தள்ளி இருக்க வேண்டும். நோய் எதிர்ப்பு சக்தி அதிகரிக்கத்தக்க சத்தான உணவு, அதிகப்படியான திரவ உணவுகளை உட்கொள்ளுதல் போன்ற தற்காப்பு நடவடிக்கைகளால் நோயிலிருந்து பாதுகாப்புப் பெறலாம்.

பள்ளி அல்லது கல்லூரியிலிருந்து வரும் குழந்தைகளை டெட்டால் சோப் போட்டு முகம், கை, கால்களை சுத்தமாக கழுவ சொல்லவும், அதன்பின்னரே சாப்பிடவோ, தண்ணீர் குடிக்கவோ சொல்லவும். சக நண்பர்கள் காய்ச்சல் அல்லது சளி பிடித்திருந்தால் அவர்கள் கைக்குட்டையை வைத்து விளையாட வேண்டாம் என அறிவுறுத்தவும்.

இந்நோய் பலருக்கு சாதாரண ஃப்ளூ மருந்துகள் மூலமாகவே நன்கு குணமடைந்து விட்டனர். எனவே, பொதுமக்கள் பதற்றமடைய வேண்டாம். அதே நேரத்தில் விழிப்புடன் இருக்க வேண்டும்.

மெளத்து செய்திகள்

2009-08-13T12:00:00.001+08:00

13/08/2009
30, இஸ்மாயில் தெரு

ஜெயில்லாதி ஹசன் முகம்மது மகனும், திருத்துறைப்பூண்டியார் முகம்மது ஷரீபு மருமகனும், ஜெயில்லாதி ஹாஜா சகாபுதீன், ஹசன் மைதீன் தகப்பனாரும், திட்டச்சேரியார் பஷீர் அகமது மாமனாரும், மாவூரார் அஹமது பாட்சா அப்பாவுமான ஜெயில்லாதி ஹாஜி அப்துல் ஜப்பார் (வயது 93) மெளத்து. இன்று காலை 10.30 மணிக்கு பெரிப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-08-12T23:00:00.001+08:00

12/08/2009
7 O/E, நேருஜி ரோடு

மக்கு அப்துல் ரஹீம் மகளும், வெள்ளையர் ஹாஜாமைதீன் மனைவியும், T.A. முகம்மது ரபீக், M.A.S. நூர்மைதீன் மாமியாரும், வெள்ளையர் ஜப்ருல்லாஹ், அமானுல்லாஹ், பஷீர் அகமது தாயாருமான ஹஜ்ஜா M.A. ஹவ்வா நாச்சியா (வயது 70) மெளத்து. இன்று மாலை 5.00 மணிக்கு பெரியப்பள்ளிக்கொல்லையில் நல்லடக்கம் செய்யப்படும்.

மெளத்து செய்திகள்

2009-08-09T16:30:00.000+08:00

09/08/2009
4/9C, அப்துல் வாஹிது ரோடு
(நேருஜி ரோடு)

குஞ்சுவாப்பு செய்யது முகம்மது மகனும், ஆனங்காச்சி கமால்தீன் மருமகனும், குஞ்சுவாப்பு ஜப்ருல்லாஹ் சகோதரரும், குஞ்சுவாப்பு அலிமைதீன், முகம்மது ஃபைசல் தகப்பனாருமான குஞ்சுவாப்பு நூர்மைதீன் (வயது 67) மெளத்து. இன்று இரவு 8.30 மணிக்கு பெரியப் பள்ளிக்கொல்லையில் நல்லடக்கம் செய்யப்படும்.

நிர்வாகச் செய்திகள்

2009-08-06T11:00:00.001+08:00

அன்புடையீர்,

அஸ்ஸலாமு அலைக்கும் (வரஹ்...)

அல்லாஹ்வின் கிருபையால் எங்களின் செயற்குழு கூட்டத்தில் பின்வருமாறு முடிவு எடுக்கப்பட்டுள்ளது.

நமதூர் மக்களுக்கு கூத்தாநல்லூர் புருனே ஜமாஅத்தார்கள் மூலம் மாததிற்கு ஒரு முறை ரூ2,000/- உதவித்தொகை வழங்குவது என்றும் அத்தொகையை ரொக்கமாகக் கொடுக்காமல், குடும்பத்திற்கு தேவையான மளிகை பொருட்கள் வாங்கி கொடுப்பது என்றும் முடிவு செய்யப்பட்டுள்ளது.

மேலும் நான்கு பிரிவுகளாக பிரிக்கப்பட்டு ஒவ்வொரு மாதமும் 15 குடும்பம் வீதம் குடும்பத்திற்கு ரூ2000/- வீதம் 4 மாதங்களுக்கு ஒர் முறை கொடுப்பது என்றும் இதனால் மொத்தம் 4X15=60 குடும்பங்கள் தற்சமயம் பயன்பெறும்.

இதன் பொறுப்பினை ஜனாப் கோஸ் அன்வர்தீன் அவர்கள் மூலம் செயல்படுத்த திட்டமிடப்பட்டுள்ளது. இன்ஷா அல்லாஹ் இந்த உதவித் தொகையினை ஆகஸ்ட் மாதம் முதல் ஆரம்பிப்பதற்கு முடிவு செய்யப்பட்டுள்ளது. இவ்வேலையினை திட்டமிட்டப்படி வெற்றிகரமாக ஆரம்பிப்பதற்கு அல்லாஹ் முழு உதவி செய்வானாக.

ஆமீன்!
.

மெளத்து செய்திகள்

2009-08-01T11:00:00.000+08:00

01/08/2009
119C, நியூ ஷவ்கத்தலி தெரு

ஆதனூரார் ஹாஜி முகம்மது யூசுப் மகனும், லெப்பாச்சி முகம்மது ஹுசைன் மருமகனும், சேவூராய் உஸ்மான் அலி, கணக்கப்பிள்ளை அப்துல் முகம்மது மாமனாரும், ஆதனூரார் நூருல் ஆரிப் தகப்பனாருமான ஆதனூரார் அப்துல் ரஷீது (வயது 70) மெளத்து. இன்று மதியம் 1.00 மணிக்கு சின்னப்பள்ளிக்கொல்லையில் நல்லடக்கம் செய்யப்படும்.

மெளத்து செய்திகள்

2009-07-27T13:30:00.001+08:00

27/07/2009
19, ஹமீதியா தெரு

சம்சு முகம்மது மைதீன் மகனும், சம்சு அப்துல் ரெஜாக் தம்பியும், சம்சு அப்துல் மாலிக், சம்சு அப்துல் முகம்மது (ரோஸ் ஆட்டோபார்ட்ஸ்) தகப்பனாரும், S.M. ஹாஜி நூர்முகம்மது சகலருமான சம்சு ஹாஜி முகம்மது ஹனீபா (வயது 76) மெளத்து. இன்று இரவு 9.00 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-07-18T11:30:00.001+08:00

18/07/2009
9 H3, மெயின் ரோடு, மரக்கடை

லெ. அ. அப்துல் ஜப்பார் மகளும், வாஞ்சுலெப்பை காதர்மைதீன் மனைவியும், லெ. அ. முகம்மது இக்பால், மெளலவி லெ. அ. முகம்மது இஸ்மாயில், லெ. அ. அப்துல் கரீம் சகோதரியும், வாஞ்சுலெப்பை முகம்மது இப்றாஹிம், சாதிக் பாட்சா, அஜ்மீ அவர்களின் தாயாருமான லெ. அ. ஜன்னத்துன்னிஷா (வயது 59) மெளத்து. இன்று மதியம் 1.00 மணிக்கு மேலப்பள்ளிக்கொல்லையில் நல்லடக்கம் செய்யப்படும்.

மெளத்து செய்திகள்

2009-07-08T12:00:00.001+08:00

08/07/2009
60, ஷவ்கத்அலி தெரு

ஆலி நெ. அப்துல் கரீம் அவர்களின் மகளும், மோதீன் H. அப்துல் மஜீது அவர்களின் மனைவியும், ஆலி செய்யது முபாரக், செய்யது அஹமது அவர்களின் சகோதரியுமான ஆலி ஆயிஷா நாச்சியா (வயது 54) மெளத்து. இன்று காலை 11.00 மணிக்கு பெரியப் பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-07-06T10:00:00.000+08:00

06/07/2009
2-O/B, ஜாவியா தெரு

லொக்கு பட்டாமணியார் அப்துல் ஜப்பார் மகனும், நச்சன் முகம்மது யாகூப் மருமகனும், லொக்கு பகதூர்ஷா சகோதரர்களின் சகோதரரும், அஸ்ரப் அலி, ஜூபைர் அகமது, முஸ்தாக் அகமது தகப்பனாருமான லொக்கு அப்துல் அஹது (வயது 56)மௌத்து. இன்று காலை 11.00 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-07-02T17:00:00.001+08:00

02/07/2009
37, கமாலியா தெரு

கணக்கப்பிள்ளை முகம்மது காசிம் மகனும், மரைக்காயர் முகம்மது அப்துல்லாஹ் மருமகனும், சடையன் காதர் மைதீன், காணன் ஜியாவுதீன், கோசரம்பட்டி கபீர் அகமது மாமனாரும், மரைக்காயர் முகம்மது யாசின், முகம்மது அன்சாரி மச்சானுமான, கணக்கப்பிள்ளை ஹாஜி ஃபஜ்லுல் ஹக் (வயது 69) மெளத்து. இன்று மாலை 5.00 மணிக்கு மேலப்பள்ளிக் கொல்லையில் நல்லடக்கம் செய்யப்படும்

கூத்தாநல்லூர் செய்திகள்

2009-06-24T11:00:00.001+08:00

மெளத்து செய்திகள்

2009-06-20T17:00:00.001+08:00

20/06/2009
7, சின்னப்பள்ளி தெரு

ஹாஜி நோஞ்சை முஹம்மது மீராஹுசைன் மகளும், அல்வாணி ஹாஜி முஹம்மது ஷரீப் ஆலிம் மருமகளும், அல்வாணி ஹாஜி அப்துல் ரஷீது மனைவியும், அல்வாணி அப்துல் அக்பர், அமீர் அலி தாயாரும், அல்வாணி முஹம்மது அனஸ்ஹுசைன் அத்தமாவுமான ஷபியா அம்மாள் (வயது 79) மெளத்து. இன்று மாலை 5.00 மணிக்கு சின்னப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-06-19T17:00:00.001+08:00

19/06/2009
92/A, ஷவ்கத் அலி தெரு

தேங்குடியார் காசீம் மகளும், சக்கீனா அப்துல் ஜப்பார் மனைவியுமான சலாமத் பேகம் (வயது 49) மெளத்து. இன்று மாலை 5.00 மணிக்கு பெரியப் பள்ளிக்கொல்லையில் நல்லடக்கம் செய்யப்படும்.

இஸ்லாமிய செய்திகள்

2009-06-19T14:00:00.001+08:00

''அல்லாஹ்வுக்காக அழகிய கடன் கொடுத்தல்''

அஸ்ஸலாமு அலைக்கும் (வரஹ்....)

ஏகஇறைவன் தன் திருமறையில் மனிதகுலத்திற்கு தேவையான அனைத்து விதமான ஏவல் - விலக்கல் சட்டங்களை கூறி இருக்கின்றான்.

திருக்குர்ஆனில் கூறப்பட்ட மனிதகுலத்திற்கு தேவையான அனைத்து விதமான ஏவல் - விலக்கல் சட்டங்களையும் அதிகபட்சம் இறைத்தூதர் வாழும் காலத்திலேயே அவர்களும், அவர்களுடைய உறவினர்களையும், உயிருக்கு உயிரானத் தோழர்களைக் கொண்டும் நடமுறைப்படுத்திக் காட்டினார்கள்.

திருக்குர்ஆனிலும், இறைத்தூதருடைய வாழ்க்கையிலும் உலகம் முடியும் காலம்வரை மனிதகுலம் பின்பற்றியொழகுவதற்கு போதுமான அம்சங்கள் அடங்கி இருந்த போதிலும் திருக்குர்ஆனுக்கு முந்தைய காலத்தில் ஏகத்துவத்தின் அடிப்படையில் இறைவனை பயந்து வாழ்ந்த நன்மக்களின் நற்செயல்களில் தனக்கு விருப்பமான சில சம்பவங்களையும் இக்கால மக்கள் இறையச்சத்துடன் வாழ்க்கையை அமைத்துக் கொள்வதற்காக தனது இறுதித்தூதர் அவர்களுக்கு எடுத்துக்கூறினான்.

அதில் ஒன்று தான் மேற்காணும் இறைவனை சாட்சியாகவும், பொறுப்பாளருமாக்கி கடன் கேட்டவருக்கு மறுக்காமல் கடன் கொடுத்தவருடைய நற்செயலும், அல்லாஹ்வின் பெயரைக்கூறி கடன் பெற்றவர் குறிப்பிட்ட தவனையில் அதைத் திருப்பிக் கொடுத்த நற்செயலுமாகும்.

சாட்சிகளையும், பொறுப்பாளரையும் கொண்டு வந்தால் மட்டுமே கடன் தருவேன் என்று உறுதியாகக் கூறியவரிடம் அவைகளைக் கொண்டு வரமுடியாதவர் அவைகளுக்காக இறைவனை சாட்சியாக்கியதும் பதில் கூறி தப்பித்துக் கொள்வதற்காக காரணங்களைத் தேடாமல் தாமதமின்றி நீ சொல்வது தான் சரி என்றுக்கூறி தனது நிலைப்பாட்டை மாற்றிக்கொண்டு அல்லாஹ்வுக்காக அவர் கோரியக் கடனை அழகிய முறையில் கொடுத்து விடுகிறார்.

அல்லாஹ்வின் பெயர் கூறப்பட்டதும் தனது நிலைப்பாட்டை மாற்றிக் கொண்ட அவருடைய நற்செயல் நம் அனைவருக்கும் வரவேண்டும் அதற்காகவே அந்த சம்பவத்தை இறைவன் தனது தூதருக்கு சொல்லிக் காட்டினான்.

படிப்பினைகள்

நில புலன்கள், ஆபரணங்கள் போன்ற மதிப்புள்ள சொத்துக்களை உடையவர்கள் அவர்களுக்கு திடீரென பண நெருக்கடி ஏற்பட்டால் மேல்படி நில புலன்கள், ஆபரணங்கள் போன்றவற்றை பிணையாக்கி எளிதில் கடன் பெற்று அதன் மூலம் தனது நெருக்கடித் தீர்ந்ததும் தாமதமின்றி அவைகளை மீட்டிக்கொள்வார்கள்.

நிலபுலன்கள், ஆபரணங்கள் போன்ற மதிப்புள்ள சொத்துக்கள் இல்லாதவர்கள் எதைப் பிணையாக்குவார்கள் ? வசதி இல்லாதவர்களுக்கு யார் சாட்சியாகுவார்கள் ?

அவர்கள் அல்லாஹ்வைத் தவிற வேறெவற்றையும் பிணையாக்க முடியாது ! வேறெவரையும் சாட்சியாக்க முடியாது !

வேறெந்த வழியுமில்லாத ஒருவர் அல்லாஹ்வை சாட்சியாக்கி கடன் கோரினால் தாமதமின்றி அல்லாஹ்வுக்காக அழகிய முறையில் தவணை விதித்து கடன் கொடுக்க இறைநம்பிக்கையாளர்கள் முன் வர வேண்டும்.

இவரிடம் கொடுத்தால் திரும்பப் பெற முடியாது, திரும்பப் பெற முடியாத சூழ்நிலை ஏற்பட்டால் அதற்கு ஈடாகப் பெறுவதற்கு அவரிடம் எதுவும் கிடையாது என்று கடன் பெறுபவருடைய பேக்ரவுண்டைப் பார்க்கக் கூடாது.

அவ்வாறுப் பார்த்தால் அல்லாஹ்வின் அழகிய கடன் வழங்கும் திட்டம் இறைநம்பிக்கையாளர்களால் நிறைவேற்ற முடியாமல் போகும். இறைநம்பிக்கையாளர்கள் இறைவனின் சட்ட திட்டங்கள் நிறைவேற்றப் படாவிட்டால் இறைமறுப்பாளர்கள் நிறைவேற்றுவார்களா ? என்பதை இறைநம்பிக்கையாளர்கள் சிந்திக்க கடமைப்பட்டுள்ளனர்.

கஷ்டப்பட்டு ஈட்டியப் பொருளாதாரத்தை கடன் என்றப் பெயரில் ஒருவார் வாங்கிக் கொண்டு திரும்பத் தராவிட்டால் என்ன செய்வது ? அதற்காகவா இத்தனை கஷ்டப்பட்டு பொருளீட்டினோம் ? என்ற சிந்தகைனகள் எழுவது இயல்பு.

நிரந்தரமான மறுஉலக வாழ்க்கையை நம்பி அற்பமான இவ்வுலகில் வாழும் இறைநம்பிக்கையாளர்கள் தனக்கு கிடைத்ததையெல்லாம் தனக்குரியது என்று உரிமைக் கொண்டாட மாட்டார் அதிலிருந்து தேவையுடையோருக்கு கொடுத்து உதவ நினைப்பார் காரணம் கஷ்டப்பட்டுப் பொருளீட்டினாலும், கஷ்டமில்லாமல் பொருளீட்டினாலும், குறைவாகப் பொருளீட்டினாலும், நிறைவாகப் பொருளீட்டினாலும் அது அனைத்தும் இறைவனின் நாட்டப் பிரகாரமே மனிதர்களை வந்தடைகிறது என்று நினைத்து தங்களால் இயன்றவரை வாரி வழங்குவார்கள். 17: 30. தான் நாடியோருக்கு உமது இறைவன் செல்வத்தைத் தாராளமாக வழங்குகிறான். குறைத்தும் வழங்குகிறான். அவன் தனது அடியார்களை நன்கறிந்தவனாகவும், பார்ப்பவனாகவும் இருக்கிறான்.

பொருளாதாரமும் பெருகுகிறது நன்மையும் அதிகரிக்கிறது.

அடிப்படை வசதி இல்லாத ஏழைகளுக்கு அல்லாஹ்வுக்காக என்ற சிந்தனையில் கடன் கொடுத்து உதவுகின்றவர்களுக்கு இறைவன் புறத்திலிருந்து அவற்றிற்கான வெகுமதிகளேத் தனி.

கொடுத்தக் கடன் திரும்பக் கிடைத்து விடுகிறது.
பொருளாதாரம் பன்மடங்காகப் பெருகுகிறது.
நற்செயல் புரிந்ததற்கான நன்மை எழுதப்படுகிறது.

57:11. அல்லாஹ்வுக்கு யாரேனும் அழகிய கடன் வழங்கினால் அதை அவருக்கு அவன் பன்மடங்காக வழங்குவான். அவருக்கு மகத்தான கூலியும் உண்டு.

அல்லாஹ்வுக்காக கொடுத்தக் கடன் ஒப்பந்தம் செய்து கொள்ளப்பட்ட தவணையில் திரும்பப்பெற முடியவில்லை என்றால் இன்னும் அதன் தவணையை அல்லாஹ் அதிகப்படுத்தச் சொல்கின்றான். அல்லாஹ்வுக்காக பல தவனைகள் வழங்கியும் உண்மையிலேயே அவரால் திருப்பிக் கொடுக்க முடியவில்லை என்றால் அல்லாஹ்வுக்காக என்று கொடுத்தக் கடனை அவருக்கே தர்மமாக்கி விடும்படி கூறுகின்றான். 2:280. அவன் சிரமப்படுபவனாக இருந்தால் வசதி ஏற்படும் வரை அவகாசம் கொடுக்க வேண்டும். நீங்கள் அறிந்து கொண்டால் அதைத் தர்மமாக்கி விடுவது உங்களுக்குச் சிறந்தது.73

அல்லாஹ்வுக்காக கொடுத்தக் கடன் திரும்பப் பெறமுடியவில்லை என்றால் அதை தர்மமாக்கி விடும்படி அல்லாஹ் சொல்வதன் நோக்கமென்ன?

அல்லாஹ்வின் வழியில் செய்யப்படுகின்ற நற்செயல்கள் அனைத்தும் பத்திலிருந்து பல மடங்காக அதனதன் செயலுக்கேற்ப நன்மைகள் பல்கிப் பெருகுகின்றன இதில் அல்லாஹ்வின் வழியில் செலவிடப்படுகின்றப் பொருளாதாரம் ( கடன், தர்மம், தஃவாப் பணிகள் ) மட்டும் உலகிலேயே ஒன்று நூறு மடங்காகப் பல்கிப்பெருகி விடும். 2:261. தமது செல்வங்களை அல்லாஹ்வின் பாதையில் செலவிடுவோருக்கு உதாரணம் ஒரு தானியம். அது ஏழு கதிர்களை முளைக்கச் செய்கிறது. ஒவ்வொரு கதிரிலும் நூறு தானியங்கள் உள்ளன. தான் நாடியோருக்கு அல்லாஹ் இன்னும் பன் மடங்காகக் கொடுக்கிறான். அல்லாஹ் தாராளமானவன் அறிந்தவன். ஏழைகளுக்குக் கொடுத்து திரும்பப்பெற முடியாத கடன் தொகையை தர்மத்தில் சேர்த்து விடும்படி அல்லாஹ் கூறுவதன் காரணம் அது அவருடைய பொருளாதாரத்தில் நூறு மடங்காகப் பெருக வேண்டும் என்பது தான். அல்லாஹ் தாராளமானவன் அறிந்தவன்.

எந்த ஒரு அடியான் தனது பக்கம் முழுமையாகத் திரும்பி விடுகின்றானோ அவனை இறைவன் ஒருப் போதும் கை விடுவதில்லை என்பதற்கு அல்லாஹ்வை சாட்சியாக்கிக் ஏழைகளுக்கு கொடுத்த கடன் உதவியைக் கொண்டு அவருக்கு இவ்வுலகிலும், மறுஉலகிலும் வழங்கப்படும் வெகுமதிகள் மூலம் அல்லாஹ் அளவற்ற அருளாலன் என்பதற்கு பெரிய எடுத்துக் காட்டாகும்.

அல்லாஹ்வை சாட்சியாக்கி கடன் பெற்றவர்கள் கடைபிடிக்க வேண்டிய ஒழுங்கு முறைகள்.

''இஸ்ரவேலர்களில் ஒருவர் மற்றொருவரிடம் தமக்கு ஆயிரம் தங்கக்காசுகள் கடனாகக் கேட்டார். கடன் கேட்கப்பட்டவர் 'சாட்சிகளை எனக்குக் கொண்டு வா! அவர்களைச் சாட்சியாக வைத்துத் தருகிறேன்' என்றார். கடன் கேட்டவர் 'சாட்சிக்கு அல்லாஹ்வே போதுமானவன்!' என்றார். 'அப்படியானால் ஒரு பிணையாளியை என்னிடம் கொண்டுவா!' என்று கடன் கேட்கப்பட்டவர் கூறினார். அதற்குக் கடன் கேட்டவர் 'பிணை நிற்க அல்லாஹ்வே போதுமானவன்' என்று கூறினார். கடன் கேட்கப்பட்டவர் 'நீர் கூறுவது உண்மையே!' என்று கூறி, குறிப்பிட்ட தவணைக்குள் திருப்பித் தர வேண்டும் என்று ஆயிரம் தங்கக் காசுகளை அவருக்குக் கொடுத்தார். கடன் வாங்கியவர் கடல் மார்க்கமாகப் புறப்பட்டு, தம் வேலைகளை முடித்துவிட்டு, குறிப்பிட்ட தவணையில் கடனைத் திருப்பிச் செலுத்த வேண்டும் என்பதற்காக வாகனத்தைத் தேடினார். எந்த வாகனமும அவருக்குக் கிடைக்கவில்லை. உடனே, ஒரு மரக்கட்டையை எடுத்து, அதைக் குடைந்து அதற்குள் ஆயிரம் தங்கக் காசுகளையும் கடன் கொடுத்தவருக்கு ஒரு கடிதத்தையும் உள்ளே வைத்து அடைத்தார். பிறகு கடலுக்கு வந்து, 'இறைவா! இன்னாரிடம் நான் ஆயிரம் தங்கக் காசுகளைக் கடனாகக் கேட்டேன்; அவர் பிணையாளி வேண்டுமென்றார்; நான் 'அல்லாஹ்வே பிணைநிற்கப் போதுமானவன்!'' என்றேன்; அவர் உன்னைப் பிணையாளியாக ஏற்றார். என்னிடம் சாட்சியைக் கொண்டுவரும்படி கேட்டார்; 'சாட்சிக்கு அல்லாஹ்வே போதுமானவன்!'' என்று கூறினேன். அவர் உன்னை சாட்சியாக ஏற்றார்; அவருக்குரிய (பணத்)தை அவரிடம் கொடுத்து அனுப்பி விடுவதற்காக ஒரு வாகனத்திற்கு நான் முயற்சி செய்தும் கிடைக்கவில்லை என்பதையெல்லாம் நீ அறிவாய்! எனவே, இதை உரியவரிடம் சேர்க்கும் பொறுப்பை உன்னிடத்தில் ஒப்படைக்கிறேன்!'' என்று கூறி அதைக் கடலில் வீசினார். அது கடலுக்குள் சென்றதும் திரும்பிவிட்டார். அத்துடன் தம் ஊருக்குச் செல்வதற்காக வாகனத்தையும் அவர் தேடிக் கொண்டிருந்தார். அவருக்குக் கடன் கொடுத்த மனிதர், தம் செல்வத்துடன் ஏதேனும் வாகனம் வரக்கூடும் என்று நோட்டமிட்ட வண்ணம் புறப்பட்டார். அப்போது, பணம் அடங்கிய அந்த மரக்கட்டையைக் கண்டார். தம் குடும்பத்திற்கு விறகாகப் பயன்படட்டும் என்பதற்காக அதை எடுத்தார். அதைப் பிளந்து பார்த்தபோது பணத்தையும் கடிதத்தையும் கண்டார்…என்று இறைத்தூதர்(ஸல்)அவர்கள் கூறியதாக அபூஹுரைரா(ரலி) அறிவித்தார்கள். நூல்:புகாரி 2291.

அல்லாஹ்வை சாட்சியாக்கி கடன் பெற்ற அந்த இஸ்ரவேலர் தனது தேவை முடிந்ததும் குறித்த தவனையில் அதைத் திருப்பிக் கொடுத்து விடுவதற்காக வாகணங்களைத் தேடியும் அது கிடைக்காமல் மரத்தைக் குடைந்து அதற்குள் கடனாகப் பெற்ற தங்கக் காசுகளை வைத்து அதற்கு இறைவனை பொறுப்பு சாட்டி அனுப்பியதும் தங்கக்காசுகளை சுமந்து சென்ற அந்த மரம் போய்ச் சேரவேண்டியவருக்கு முறையாகப் போய்ச் சேர்ந்து விடுகிறது.

அல்லாஹ்வை சாட்சியாக்கி வாங்கிய கடனை வாகனங்கள் கிடைக்காத காரணத்தைக் கூறி தவனைகளை அதிகப்படுத்தி அவரை இழுத்தடிக்காமல் உடனடியாக சேரத்து விடுவதற்காக அவர் எடுத்துக் கொண்ட முயற்சி கடன் பெறுபவர்கள் அனைவருக்கும் படிப்பினையாக அமைய வேண்டும் அதற்காகவே அந்த சம்பவத்தை இறைவன் தனது தூதருக்கு சொல்லிக் காட்டினான்.

இன்று நாம் மரத்தைக் குடைந்து அதில் வைத்து அனுப்ப யாதொரும் அவசியமும் இல்லை கண் இமைக்கும் நேரத்தில் பல்லாயிரம் மைல்களுக்கப்பால் உள்ளவர்களுடைய கைகளில் கிடைக்கும் அளவுக்கு கம்யூனிகேஷன் வளர்ச்சி அடைந்து விட்டது அதனால் சாக்குப் போக்குகள் கூறி கடன் கொடுத்தவரை இழுத்தடிக்காமல் செல்போனை ஸ்ஃவிட்ச் ஆஃப் செய்து போடாமல், அல்லது அதைப்பார்த்துக் கொண்டே எடுக்காமல் விட்டு விடாமல் அல்லாஹ்வை சாட்சியாக்கி வாங்கிய கடனை அழகிய முறையில் திருப்பிக் கொடுத்து விடவேண்டும்.

இன்று கடன் கொடுப்பவர்கள் குறைந்துப் போனதற்கு கடன் வாங்கியவர்களின் நாணயமில்லாத்தனமும் ஒரு முக்கியக் காரணமாகும்.

எதையாவது சொல்லி கடனை வாங்கியப் பிறகு கொடுக்க முடியாத சூழ்நிலை ஏற்பட்டால் அல்லாஹ்வுக்காக தவனையை இன்னும் அதிகப்படுத்துங்கள் என்று அவர் நம்மைத்தேடி வருவதற்கு முன் நாமே சென்றுக் கேட்பதில்லை, கொடுக்க முடியாத சூழ்நிலை ஏற்பட்டப்பிறகும் பொய்யான பலக் காரணங்கள் தினந்தோறும் சொல்வதற்கு பதிலாக அல்லாஹ்வுக்காக அதை விட்டுக் கொடுங்கள் என்றும் கேட்பதில்லை.
அதற்காக தினந்தோறும் ஒருப் பொய் சொல்லி சமாளிப்பது.
இதற்கெல்லாம் முக்கியக் காரணம் கொடுப்பவர் அல்லாஹ்வுக்கென்ற சிந்தனையில் கொடுப்பதில்லை, வாங்குபவர் அல்லாஹ்வை சாட்சியாக்கி வாங்குவதில்லை,

கடன் பெறுபவர் தன்னைப் போன்றே இன்னும் தேவையுடைய மக்கள் அதிகம் இருப்பதால் நாம் முறையாக நடந்து கொண்டால் இதைக் கொண்டு பிறரும் பயனடைவார்கள் என்றுக் கருதி அல்லாஹ்வை முன்னிருத்தி கடன் பெற வேண்டும், தவனை கடந்து விட்டால் தாமே சென்று தவனையை நீட்டிக்க வேண்டும், கொடுக்க முடியாத சூழ்நிலை ஏற்பட்டால் அல்லாஹ்விற்காக இதை விட்டுக் கொடுங்கள். அதை எனக்கு தர்மமாக்கி விடுங்கள் வேறு வழி எனக்கில்லை என்றுக் கேட்க வேண்டும்.

அல்லாஹ்வின் அழகிய கடன் திட்டம் புறக்கனிக்கப்படுவதால்.

அழகும் வனப்பும் இருந்தும் வசதி வாய்ப்பு இல்லாதக் காரணத்தால் வாழ்க்கையின் வசந்தத்தை நுகர முடியாமல் படி தாண்டிப் போன ஏழைக்குமருகள் எத்தனையோப் பேர்?

அறிவும், சிந்தனைத் திறனும் அமையப்பெற்றும் கல்லூரி வாசலில் கால் வைக்க முடியாமல் கஞ்சா, அபின் வியாபாரியாக மாறிப் போன இளைஞர்கள் எத்தனையோப் பேர்?

தொழில் துறையில் சிறு வயதிலிருந்தே பழுத்த அனுபவம் இருந்தும் ஒருக்கடை முதலாளி ஆக முடியாமல் கடைசி வரை கடைகளில் பொட்டலம் மடித்தவர்கள் எத்தனையோப் பேர்?

மேற்காணும் இரு இஸ்ரவேலர்களுனுடைய நற்பன்புகளை உலகம் முடியும் காலம் வரை கடன் கொடுப்பவரும், கடன் வாங்குபவரும் பின்பற்றியொழுகினால் உலகில் வறுமைத் தாண்டவமாடாது, வறுமையினால் உருவாகும் பிச்சை எடுத்தல், திருடுதல், படித்தாண்டுதல் போன்ற மனிதகுலத்திற்கு கேடுவிளைவிக்கும் வெறுக்கத்தக்க நிகழ்வுகள் அறவே நிகழாது.

வறுமையைத் துடைத்தெறிந்து குழப்பங்கள் முற்றிலும் நீங்குவதற்காக மனித குலத்திற்கு இறைவன் தொகுத்து வழங்கிய ''அல்லாஹ்வுக்காக அழகிய கடன் கொடுத்தல் திட்டம் ‘’ இறைநம்பிக்கையாளர்களால் அவசியம் நிறைவேற்றியாக வேண்டும்

கடன் அதிகரித்திடாதிருக்க அல்லாஹ்வின் தூதர் அவர்கள் ஓதிய துஆ.

''இறைவா! கப்ருடைய வேதனையைவிட்டும் உன்னிடம் பாதுகாப்புத் தேடுகிறேன். தஜ்ஜாலின் குழப்பத்தைவிட்டும் உன்னிடம் பாதுகாப்புத் தேடுகிறேன். வாழும் போதும் மரணிக்கும் போதும் ஏற்படும் குழப்பத்தைவிட்டும் உன்னிடம் பாதுகாப்புத் தேடுகிறேன். பாவங்களைவிட்டும் கடனைவிட்டும் உன்னிடம் பாதுகாப்புத் தேடுகிறேன்'' என்று நபி(ஸல்) அவர்கள் தொழுகையில் துஆச் செய்வார்கள்.

'தாங்கள் கடனைவிட்டும் அதிமாகப் பாதுகாப்புத் தேடும் காரணம் என்ன?' என்று ஒருவர் நபி(ஸல்) அவர்களிடம் கேட்டபோது

'ஒரு மனிதன் கடன் படும்போது பொய் பேசுகிறான்; வாக்களித்துவிட்டு அதை மீறுகிறான்'' என்று நபி(ஸல்) அவர்கள் விளக்கமளித்தார்கள். அறிவிப்பாளர்: ஆயிஷா(ரலி) அவர்கள், ஆதாரம் புகாரி 2ஃ832

மேற்காணும் துஆவை அல்லாஹ்வின் தூதர் (ஸல்) அவர்கள் தொழுகையின் அத்தஹயாத் இருப்பில் ஓதிவந்தார்கள், நாமும் அவ்வாறே ஓதவேண்டும்.

وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ

நன்மையை ஏவி தீமையைத் தடுத்து நல் வழியை நோக்கி அழைக்கும் சமுதாயம் உங்களிடம் இருக்க வேண்டும் அவர்களே வெற்றி பெற்றோர். திருக்குர்ஆன். 3:104

103 ஸூரத்துல் அஸ்ரி (காலம்)

2009-06-17T18:00:00.001+08:00

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் ஆரம்பம் செய்கிறேன்.

103:1 காலத்தின் மீது சத்தியமாக

103:2 நிச்சயம் மனிதன் நஷ்டத்திலிருக்கின்றான்

103:3 ஆயினும் எவர்கள் ஈமான் கொண்டு ஸாலிஹான நல்ல அமல்கள் செய்தும், சத்தியத்தைக் கொண்டும் ஒருவருக்கொருவர் உபதேசம் செய்தும், மேலும் பொருமையைக் கொண்டும் ஒருவருக்கொருவர் உபதேசிக்கின்றார்களோ அவர்களைத்தவிர (அவர்கள் நஷ்டத்திலில்லை)

இஸ்லாமிய செய்திகள்

2009-06-16T19:00:00.005+08:00

இஸ்லாத்தின் பார்வையில் அவதூறு கூறுதல்!

அகிலங்களின் இறைவனான அல்லாஹ்வுக்கே புகழ் அனைத்தும்.

சமூக சீர்கேட்டை விளைவிக்கும் வெள்ளித் திரை சினிமாக்களாலும் சின்னத்திரை சீரியல்களாலும் மக்களின் சிந்திக்கும் அறிவு மழுங்கிவிட்ட இக்காலக் கட்டத்தில் பிறர் மீது அவதூறு கூறுவது என்பது சர்வ சாதாரணமாகிவிட்டது. இத்தகைய அவதூறுகளினால் பாதிக்கப்பட்டோர் எத்தகைய அவதிக்குள்ளாகிறார்கள் என்பதைப் பற்றி துளிகூட அக்கரையில்லாமல் தங்களின் வாய்க்கு வந்தபடியெல்லாம் தமக்கு வேண்டாதவர் மீது அவதூறு கூறி சேற்றை வாரியிறைக்கின்றனர்.

ஒரு பெண் விசயத்தில் கூறப்படும் அவதூறானது அவளின் வாழ்க்கையையே சின்னாபின்னமாக சிதைத்து ஒரு மீளமுடியாத நிரந்தர ஊனத்தை ஏற்படுத்தும். அதுவும் திருமணமாகாத பெண்கள் என்றால் அவளுக்கு மணவாழ்க்கை என்பதே கேள்விக்குறியாகிவிடும்.

இத்தகைய கொடுமையான செயலான அவதூறு கூறுவதை இஸ்லாம் தடை செய்திருப்பதோடல்லாமல் அவதூறு கூறுபவர்களுக்கு கடுமையான தண்டனை இருக்கின்றது என்றும் எச்சரிக்கின்றது.

அவதூறு கூறுபவர்களுக்கான எச்சரிக்கைகள்: -

அல்லாஹ் கூறுகிறான்: -

எவர்கள் கற்புள்ள பெண்கள் மீது அவதூறு கூறி (அதை நிரூபிக்க) நான்கு சாட்சிகளைக் கொண்டு வரவில்லையோ, அவர்களை நீங்கள் எண்பது கசையடி அடியுங்கள்; பின்னர் அவர்களது சாட்சியத்தை எக்காலத்திலும் ஏற்றுக் கொள்ளாதீர்கள் - நிச்சயமாக அவர்கள்தான் தீயவர்கள். (அல்-குர்ஆன் 24:4)

எவர்கள் முஃமினான ஒழுக்கமுள்ள, பேதை பெண்கள் மீது அவதூறு செய்கிறார்களோ, அவர்கள் நிச்சயமாக இம்மையிலும், மறுமையிலும் சபிக்கப்பட்டவர்கள்; இன்னும் அவர்களுக்குக் கடுமையான வேதனையுமுண்டு. (அல்-குர்ஆன் 24:23)

‘அழிக்கக் கூடிய ஏழு விஷயங்களைத் தவிர்த்துக் கொள்ளுங்கள்’ என்று நபி (ஸல்) அவர்கள் கூறிய போது நாங்கள் அவை என்னென்ன? என்று கேட்டோம். அதற்கு நபி (ஸல்) அவர்கள், ‘அல்லாஹ்வுக்கு இணை வைத்தல், சூனியம் செய்தல், நியாயமாகவேயன்றி அல்லாஹ் ஹராமாக்கிய உயிரை கொலை செய்தல், வட்டியின் மூலம் சாப்பிடுதல், அனாதைகளின் பொருளை சாப்பிடுதல், போர்க்களத்தில் புறமுதுகிட்டு ஓடுதல், கற்புள்ள பேதைப் பெண்களின் மீது அவதூறு கூறுதல்’ என்று பதிலளித்தார்கள்.

மெளத்து செய்திகள்

2009-06-15T13:30:00.002+08:00

15/06/2009
97, பெரிய தெரு

அரையகுலத்தார் முஹம்மது அப்துல்லாஹ் மகனும், சிலிங்கி அஹமது மைதீன் மாமனாரும், A.A. ஜெகபர் சாதிக், A.A. நூருல் அமீன் தகப்பனாருமான அரையகுலத்தார் ஹாஜி M. அப்துல் மஜீது (வயது 69) மெளத்து. இன்று இரவு 8.00 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-06-13T23:30:00.002+08:00

13/06/2009
28/E, ரஹ்மானியா தெரு

குவளக்காரர் சாலிஹ்தம்பி மகனும், சானரத்தார் முஹம்மது அப்துல்லாஹ் மருமகனும், குவளக்காரர் பஷீர் அகமது, கானன் அப்துல் நாசர்கான் மாமனாரும், குவளக்காரர் ஜப்ருல்லாஹ் தகப்பனாருமான குவளக்காரர் அப்துல் கரீம் (வயது 77) மெளத்து. நாளை (14/06/2009) காலை 10.30 மணிக்கு பெரியப் பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-05-25T17:30:00.001+08:00

25/05/2009
39, இஸ்மாயில் தெரு

K.K. முஹம்மது அப்துல்லாஹ் மகனும், கணக்கப்பிள்ளை முஹம்மது மைதீன் மருமகனும், சிலிங்கி ஹாஜா மைதீன், சாலெப்பை சேக் தாவூது மாமனாரும், K.M.B அப்துல் மாலிக், K.M.B. காதர் பாட்சா, K.M.B. சாதிக் பாட்சா சகோதரர்களின் தகப்பனாருமான K.K.M. பஷீர் அஹமது (வயது 76) மெளத்து. இன்று மாலை 5.00 மணிக்கு சின்னப்பள்ளிக் கொல்லையில் நல்லடக்கம் செய்யப்படும்.

மெளத்து செய்திகள்

2009-05-18T13:00:00.001+08:00

18/05/2009
15, மேலத்தெரு

சடையன் அப்துல் ரஹ்மான் மகனும், நரியர் முஹம்மது ஹுசேன் மருமகனும், சடையன் புருஹானுதீன் சகோதரரும், தஞ்சாவூர் முகம்மது தமீம், K.T.M நூர்முகம்மது, S.M. சமீர் அகமது மாமனாருமான சடையன் முகம்மது அலி (வயது 62) மெளத்து. இன்று மாலை 5 மணிக்கு பெரியப்பள்ளிக் கொல்லையில் நல்லடக்கம் செய்யப்படும்.

பாராளுமன்ற தேர்தல்

2009-05-12T18:30:00.001+08:00

அன்புடையீர்,

நடைபெற இருக்கும் பாரளுமன்ற தேர்தலில் (13/05/2009) கூத்தாநல்லூர் மக்கள் யாவரும் தத்தம் ஜனநாயக கடமையை உணர்ந்து வாக்களிக்குமாறு அன்புடன் கேட்டுக்கொள்கிறோம். அரசியல் கட்சிகளின் மேல் மோகம் கொண்டு நம்மூர் மக்கள் வாக்களிக்காமல், தேர்தலில் நிற்கும் வேட்பாளர், அவர்தம் தகுதிகள், அவர் நம்மூருக்கு/ நம் சமுதாய மக்களுக்காக என்ன செய்தார்? செய்வார்? என்பதை ஆராய்ந்து ஓட்டளிக்கவும்.

ஒரு முக்கிய எச்சரிக்கை, நீங்கள் தவிர்க்கும் ஒவ்வொரு ஓட்டும் உங்கள் எதிரிகள் பெறும் ஒரு ஓட்டாகிவிடும் என்பதை உணர்ந்து தவறாமல் வாக்களிக்குமாறு கூத்தாநல்லூர் புரூனே ஜமாஅத்தார்கள் சார்பாக அன்புடன் கேட்டுக் கொள்கிறோம்.

Swine Flu - ஒரு விளக்கம்...

2009-05-06T00:00:00.002+08:00

இன்று மிகவேகமாக பரவி உலகை உலுக்கிக் கொண்டிருக்கும் பன்றிக் காய்சல் (Swine flu) எனப்படும் ஸ்வைன் ப்ளூயென்ஸா (Swine fluenza) மிகவும் ஆபத்தை ஏற்படுத்தும் ஒரு வைரஸாக இன்று விஞ்ஞானிகளால் கண்டறியப்பட்டுள்ளது. உலகில் அதிகமான பன்றிப்பண்ணைகள் ஐரோப்பிய நாடுகளிலேயே காணப்படுகின்றன பன்றி இறைச்சி அதிகமாக ஐரோப்பிய நாடுகளில் உண்ணப்படுவதோடு உணவுக்காகவே இந்தப் பன்றிப் பண்ணைகள் நிறுவகிக்கப்பட்டு வருகின்றன. திடீரேன தோன்றி படுவேகத்தில் பரவும் இத்தகைய வைரசுகள் பன்றிகளில் இருந்து மனிதனுக்குப் பரவுவதால் பன்றிக் காய்ச்சல் எனப் பெயர் பெறுகிறது. பன்றிக்கு பிக் தவிர ஹாக்ஸ்இ ஸ்வைன் எனவும் பெயர்கள் உண்டு எனவே ஸ்வைன் ப்ளூ (Swine flu) என ஆங்கிலத்தில் கூறப்படுவதால் பன்றிக் காய்ச்சல் என தமிழில் கூறப்படுவதாகவும் வைத்துக் கொள்ளலாம்.

இந்த காய்ச்சலைப் பரப்பி வருவது Orthomyxoviridae என்ற ரகத்தைச் சேர்ந்த வைரஸாகும் (Swine fluenza virus- SIV) பன்றிகளுக்குள் புகுந்துவிட்டால் அதன் சுவாசப்பாதையில் பயணிப்பதனூடாக சுவாசத்தை மட்டுப்படுத்தி பன்றிகளை கொன்றுவிடும். இந்த வைரஸில் பல வகைகள் (Strains) விஞ்ஞானிகளால் இனம் காணப்பட்டுள்ளது.

இந்த வைரஸின் தன்மைகள் தற்போது கண்டரியப்பட்டுள்ளன ஆர்.என்.ஏ.(R.N.A) வை அடிப்படையாகக் கொண்ட இந்த வைரசுகளின் ப்ளஸ் பாயின்ட் அவை தங்கள் உருவை (Mutate) மாற்றிக்கொள்ளக் கூடியது. ஆகவே மனிதர்களுக்கு இந்த வைரஸ் பரவும்போது மனிதனின் உடலிலுள்ள தற்காப்பு முறைமையை (Immune System) இது வென்றுவிடுவதால் மனிதன் இதனால் பாதிக்கப்பட்டு இறந்துவிடும் அபாயமும் உண்டு.

அதுமட்டுமல்லாமல் அது மனிதனுக்குள் புகுந்துவிட்டால் மனித உடலில் பல்கிப்பெருகி மனித சூவாசத்தினூடாக மற்றவரையும் தொற்றிக்கொள்ளக் கூடியது இந்த வைரஸ் இதற்கு H1N1 எனப் பெயரிட்டுள்ளனர். ஆகவே ஐரோப்பிய அமெரிக்க மற்றும் இலத்தின் அமெரிக்க நாடுகளில் வாழும் நமது மக்கள் மிகவும் கவனமாக நடந்து கொள்ள வேண்டும்.

இதுபோன்ற காய்ச்சல் (flu) வகை உலக சரித்திரத்தில் பலமுறை கண்டறியப்பட்டுள்ளது. 1957ம் ஆண்டு (Asian Flu) ஆசியக் காய்ச்சல் என்ற ஒன்று நாற்பதைந்து மில்லியன் அமெரிக்கர்களை பாதித்து அதில் எழுபதுனாயிரம் பேர்வரை இறந்து போனார்கள். அதன் பதினொரு வருங்களின் பின்னர் 1968 ஆண்டு தொடக்கம் 1969ம் ஆண்டு காலப்பகுதியில் ஹோங்கோங் காய்ச்சல் (HongKong flu) ஐம்பது மில்லியன் அமெரிக்கர்களை பாதித்து அதில் முற்பத்தி மூவாயிரம்பேர் இறந்தார்கள். 1976ம் ஆண்டு அமெரிக்க படைவீரர்கள் ஐநூறுபேர் பன்றிக் காய்ச்சலால் (wine flu) சில வாரங்கள் பீடிக்கப்பட்டார்கள் என்றாலும் சில மாதங்களின் பின்னால் இந்த நோய் மாயமாக மறைந்துவிட்டதாக ஆராய்ச்சியாளர்கள் கூறியதுடன் இந்நோய் மீண்டும் தொன்றுவதற்கு எந்த அறிகுரியையும் காணமுடியவில்லை என்று கூறியிருந்தனர்.

உலகம் முழுவதும் பல இலட்ச்சம் மக்களை இந்தக் காய்ச்சல் தொற்றிக்கொள்ளும் அபாயமிருப்பதால் அனைவரும் விழிப்புடன் செயற்படுமாறு கேட்டுக் கொள்ளப்படுகின்றனர்.

இந்த எஸ்.ஐ.வி.(SIV) வைரஸ் வகை இரண்டு பிரவுகளாக காணப்படுகிறது இன்ப்ளூயென்ஸா சி (Influenzavirus C) அல்லது அதன் மற்றொரு உபபிரிவான இன்ப்ளூயென்ஸா ஏ (Influenzavirus A) என்பனவாகும் அவை.

இஸ்லாத்தில் பன்றிகள் வளர்ப்பதற்கோ அல்லது பராமரிப்பதற்கோ அல்லது புசிப்பதற்கோ வலுவான தடைகள் போடப்பட்டுள்ளதால் இஸ்லாமியர்கள் எப்போதும் இதைத் தவிர்த்தே வருகின்றனர்.

இந்த வைரஸால் பாதிக்கப்பட்டவர்களுக்கு காய்ச்சல், தலைவலி, உடல்வலி, குளிர்காய்ச்சல், தொண்டைவலி, வயிற்றுப்போக்கு, வாந்தி போன்றவை ஏற்படும். கவனக்குறைவாக இருப்பவர்களுக்கு இது உயிராபத்தை ஏற்படுத்தவல்லது.

இவ்வகை வைரசுகளை கட்டுப்படுத்தக்கூடிய மருந்துகள் பல இருந்தபோதும் இதை முன்கூட்டியே தடுக்கக்கூடிய தடுப்பு மருந்துகள் இதுவரை உலகில் கண்டுபிடிக்கப்படவில்லை. ஆயினும் தற்காப்பு நடவடிக்கைகள் மூலம் இதை தடுத்துக் கொள்ளலாம் நோய் காணப்படுகின்ற நாடுகளில் வாழ்பவர்கள் வாய்,மூக்கு பகுதிகளை மூடிக்கொள்ளுதல்,குப்பைகள் சேராமல் சூழலை சுத்தமாக வைத்திருத்தல்,நோயினால் பாதிக்கப்பட்டவர் இருமல் வரும் போது வாயில் துணியை வைத்து மறைத்துக் கொள்ளுதல்,நோயினால் பாதிக்கப்பட்ட பகுதிகளுக்கு சென்று வருவர்கள் தங்கள் வாய், கண்,மூக்குப் பகுதிகளை கையினால் தொடாதிருத்தல்,கைகளை சவர்காரம் இட்டு நன்றாக்க் கழுவிக் கொள்ளுதல் போன்ற தற்காப்பு நடவடிக்கைகளால் நோயிலிருந்து பாதுகாப்புப் பெறலாம்.

உலகில் தற்போதுள்ள முன்னனி மருந்து தயாரிக்கும் நிறுவனங்கள் இந்த வைரசுக்கான தடுப்புசியை தயாரிப்பதில் இரவு பகலாக முயற்சித்துக் கொண்டிருக்கின்றன. இவர்களின் முயற்சி வெற்றியடைய வாழ்த்துக்களை தெரிவிப்போம்.

மெளத்து செய்திகள்

2009-05-02T23:30:00.001+08:00

02/05/2009
12B, ரஹ்மானியா தெரு

லொக்கு அப்துல் ரஹ்மான் மகனும், நரியர் முஹம்மது உசேன் மருமகனும், லொக்கு ஜெகபர் சுல்தான், அப்துல் சலாம், அலிமைதீன் சகோதரரும், கூனன் அப்துல் அலீம் மச்சானுமாகிய லொக்கு முகம்மது சுலைமான் (வயது 70) சிங்கப்பூரில் காலமாகிவிட்டார்.

மெளத்து செய்திகள்

2009-05-01T23:30:00.002+08:00

01/05/2009
14 A, கமாலியா தெரு

ஆதம் முகம்மது இப்றாஹிம் மகளும், கூலான் ஹாஜா முகைதீன் மனைவியும், கூலான் பாவா மைதீன், ஆதம் ஹாஜி நெய்னா முஹம்மது, சையான் அப்துல் அலீம் இவர்களின் மாமியாருமான ஆதம் ஹஜ்ஜா நபீசாபீவி (வயது 82) கோலாலம்பூரில் காலமாகிவிட்டார்.

மெளத்து செய்திகள்

2009-04-30T14:00:00.001+08:00

30/04/2009
18, ஜின்னாத் தெரு

நெல்லுக்காரர் முகம்மதுமைதீன் மகளும், நெல்லுக்காரர் அப்துல்ஹமீது, நூர்மைதீன் சகோதரியும், சைய்யான் ஜெகபர்தீன் (அப்துல்கரீம்) சிறிய தாயாருமான ஜெய்னப்நாச்சியா (வயது 85) மெளத்து. இன்று காலை 10.30 மணிக்கு சின்னப்பள்ளிக் கொல்லையில் நல்லடக்கம் செய்யப்படும்.

அன்பான ஓர் வேண்டுகோள்!

2009-04-29T14:30:00.004+08:00

அனைவருக்கும் ஓர் அன்பான வேண்டுகோள்!

நண்பர்களே, உறவினர்களே, மற்ற நாடுகளில் எப்படி என்பது எனக்குத்தெரியாது, ஆனால் புரூனேயில் வாழும் எங்களுக்கு வேலை நேரம் எவ்வளவு தெரியுமா? 12 முதல் 14 மணி நேரம். உற்ற உறவினர்களை மட்டுமே தொடர்பு கொண்டு மற்ற நண்பர்களை தொடர்புக் கொள்ள முடியாதபோதுதான் இந்த Chat Box மிக்க உதவியாக உள்ளது. எங்கோ இருக்கும் என் இனிய நண்பர்கள் (Classic Friends) Akbar Bashaவும், Classic Maideen அண்ணணும் இதன் மூலம்தான் ஒரு ஹலோ சொல்லிக்கொள்ள முடிந்தது.

ஊரில் இருக்கும்போது சிறு வயதில் பெரியப் பள்ளியில் சங்கு சத்தம் கேட்டால் கையில் சிலேட்டைக் கொடுத்து மெளத்தை எழுதி வருமாறு என் பெற்றோர்கள் பழக்கிய பழக்கம் இன்றும் சங்கு சத்தம் கேட்டால் என்ன வேலையாக இருந்தாலும் டிவியில் மெளத்தை தெரிந்துக் கொண்டுதான் மறுவேலையைப் பார்ப்பேன். இப்போது வெளிநாட்டில் இருக்கும்போது முக்கிய உறவினர்களின் மெளத்து செய்திகளைக்கூட (உதாரணம் தி.மு.நிஜாம் அண்ணண் அவர்கள்) தெரிந்துக் கொள்ள முடியாமல் நாங்கள் பட்ட கஷ்டம் எங்களுக்கு மட்டும்தான் தெரியும். இந்த விஷயத்தில் எனக்கு முக்கியமாக உதவியது Keo Online

மற்ற ஊர் ஜமாஅத்களுக்கும், நமதூர் ஜமாஅத்களுக்கும் உள்ள முக்கிய வித்தியாசம் என்ன தெரியுமா? மற்ற ஊர்களிலெல்லாம் அந்தந்த ஊர் ஜமாஅத் மட்டும்தான் கூத்தாநல்லூரில் மட்டும்தான் ஊரின் உறவுமுறை ஜமாஅத். காரணம் நாம் எல்லோருமே உறவினர்கள்தான். எவ்வழியிலாவது ஒரு உறவு நமக்குள் இருக்கும். Rafeeq Mohamed. P.A. அவர்களோ அல்லது Yaseer - DXB யோ எனக்குக்கூட சொந்தமாக இருக்கலாம் இல்லையா?

என்னுடைய வேண்டுகோள், தயவுசெய்து இந்த தளத்தில் யாருடைய மனதும் புண்படும்படி ஒரு விவாதமேடையாக்க வேண்டாம். இப்போதுள்ள அரசியல் சூழ்நிலையில் (ஒரு சர்வேபடி) ஜாதிய கட்சிக்களால்தான் நாட்டின் அரசியலையே நிர்மாணிக்க முடியுமாம். ஆனால் பெருமளவு மக்கள் தொகைக்கொண்ட சிறுபான்மையான முஸ்லிம் மக்களால் நமக்குள் இருக்கும் ஈகோவினால்தான் நமக்கு ஏகப்பட்ட பிரச்னைகளே.

ஷவ்கத் அலித் தெருவில் வறுமைக் காரணமாக பெற்ற பிள்ளையையே கொலை செய்யப்பட்டதாம். நாம் என்ன செய்கிறோம் இங்கு? லேட்டஸ்ட் மொபைல் போனுக்கும், லேப்டாப்பும் இந்த மாதம் வாங்குவோமா? அல்லது அடுத்த மாதம் வாங்கிக்கொள்ளலாமா? என்று யோசிக்கிறோம் அல்லவா?

நமக்குள் பிரச்னை வேண்டாம், நான் சொன்னதற்க்காக கோபப்படவும் வேண்டாம். ஒற்றுமையாக நமதூரின் மேலாண்மைக்கு பாடுபடுவோம். யாராயிருந்தாலும் சரி, நிச்சயம் நீங்கள் எனக்கு அண்ணண் தம்பியாகவோ அல்லது மாமன் மச்சானாகவோத்தான் இருப்பீர்கள். அதனால் உறவுகளின் நிமித்தம் உரிமையோடு கேட்கிறேன். சரியா?

என்றும் அன்புடன்,
ஜாஃபர்.

மெளத்து செய்திகள்

2009-04-21T23:00:00.002+08:00

21/04/2009
43-B, சின்னப்பள்ளி தெரு

கொட்டப்பக்கி முகம்மது யூசுப் மகளும், அவராத்தர் ஹாஜா மைதீன் மனைவியும், அப்துல் முஹம்மது, நைனா முஹம்மது அவர்களின் தாயாரும், சிலிங்கி அஷ்ரப் அலியின் பெரியம்மா மகளுமான ஆயிஷா நாச்சியா அவர்கள்(வயது 73) மெளத்து. இன்று காலை 10.30 மணிக்கு சின்னப்பள்ளிக் கொல்லையில் நல்லடக்கம் செய்யப்படும்.

கூத்தாநல்லூர் செய்திகள்

2009-04-09T00:00:00.003+08:00

நமது ஊரின் உறவு முறை ஜமாஅத் தேர்தலில் வெற்றிப் பெற்ற வேட்பாளர்கள் அனைவருக்கும் கூத்தாநல்லூர் புரூனே ஜமாஅத்தார்கள் சார்பாக மனமார்ந்த வாழ்த்துக்களை தெரிவித்துக் கொள்கிறோம்.

பாரம்பரியமிக்க நமதூரின் ஜமாஅத்தை சிறப்பாக நடத்திட தேர்ந்தெடுக்கப்பட்ட இந்த நிர்வாகிகள் திறமையாக செயல்பட நமது ஒத்துழைப்பையும் தந்து உதவிடுமாறு அனைத்து நம்மூர் மக்களையும் கேட்டுக் கொள்கிறோம்.

வேட்பாளர்களும், அவர்கள் பெற்ற வாக்குகளையும் காண இங்கே டவுன்லோடு செய்துக் கொள்ளவும்.

கூத்தாநல்லூர் செய்திகள்

2009-04-06T23:52:00.003+08:00

இன்ஷா அல்லாஹ் நமது கூத்தாநல்லூர் ஜமாஅத் தேர்தல் நடைபெற உள்ளதை நாம் எல்லோரும் அறிவோம். அத்தேர்தல் நல்ல முறையில் நடைபெற கூத்தாநல்லூர் புரூனே ஜமாஅத்தார்கள் சார்பாக எங்கள் வாழ்த்துக்களை தெரிவித்துக் கொள்கிறோம். பாரமபரியமிக்க நமது ஊரின் கண்ணியத்தையும், புகழையும் காக்க புதிதாக தேர்ந்தெடுக்கப்படுபவர்கள் பாடுபட வேண்டும் என்பதையும் இங்கு கேட்டுக் கொள்கிறோம்.

நமது ஜமாஅத்தார்கள் தமது கடமையை உணர்ந்து நமது உரிமைக்கும், ஒற்றுமைக்கும் பாடுபடும் வேட்பாளர்களை தேர்ந்தெடுக்குமாறும் கேட்டுக் கொள்கிறோம்.

ஜமாஅத் தேர்தலில் பங்கு பெறும் வேட்பாளர்களை அறிய இங்கே கிளிக் செய்யவும்.

உங்கள் பெயர் நமதூர் ஜமாஅத் பட்டியளில் உள்ளதா என்பதை அறிய இங்கே கிளிக் செய்து டவுன்லோடு செய்துக் கொள்ளவும்.

நோக்கங்கள்

2009-04-04T00:15:00.000+08:00

எங்களின் நோக்கங்கள்...
கூத்தாநல்லூர் வாசிகளின் நலனுக்காக, எல்லோரும் ஒன்றாக சேர்ந்து நல்ல காரியங்களை முன்வைத்துச் செல்ல, எங்களின் சிறிய கருத்துக்களை இங்கு முன் வைக்கிறோம். இதில் எந்தவித மாறுபட்ட கருத்துக்களுக்கும் இடமளிக்காமல் நம் ஊர் மக்களின் நலனை மட்டுமே கருத்தில்கொண்டு ஒவ்வொருவரும் கடமையும், பொறுப்பும் எடுத்துக் கொண்டு செயல்பட வேண்டுமாய் அன்புடன் கேட்டுக் கொள்கிறோம்.

கூத்தாநல்லூர் நலத்திட்டங்களாக முன் வைப்பது...

1. ஏழை மாணவர்களுக்கு கல்வி உதவி செய்தல்.
2. வசதியில்லாத ஏழைக் குடும்பத்தாருக்கு மருத்துவ செலவுகளுக்கு உதவுதல்.
3. வசதியில்லாத பெண்களின் திருமணங்களுக்கு உதவுதல்.

புரூனேயில் செயல் திட்டங்கள்...

1. வேலையில்லாமல் சிரமப்படுவோருக்கு உதவுதல்.
2. விபத்து, நோய்வாய்ப்படுதல், இறப்பு போன்ற பிரச்னைகளுக்கு உதவுதல்.
3. ஊர் செய்திகளை (மெளத்து, திருமணம் மற்றும் முக்கியமானவைகள்) ஒருவருக்கொருவர் உடனுக்குடன் அறிவித்தல்.
4. கூத்தாநல்லூர் வெப்சைட் ஆரம்பித்தல்.

தாங்கள் அனைவரும் எங்களுக்கு ஆக்கமும், ஊக்கமும் அளித்து எங்களின் திட்டங்களை நல்லமுறையில் நடைமுறைப்படுத்த உதவிடுமாறு கேட்டுக்கொள்கிறோம். எல்லாம் வல்ல இறைவன் நம் காரியங்கள் அனைத்திற்கும் துணை நிற்பானாக! ஆமீன்.

புகைப்படங்கள்

2009-04-03T00:30:00.000+08:00

அறிமுகம்

2009-04-01T00:30:00.002+08:00

அல்லாஹ்வுடைய மாபெரும் கிருபையினால் நம் கூத்தாநல்லூர் மக்கள் நலனுக்காக இங்கு புருனையில் வாழும் நம் கூத்தாநல்லூர் மக்கள் ஒன்று கூடி

KNR JAMAAT @ BRUNEI

என்ற அமைப்பை ஏற்படுத்தியுள்ளோம்.

இவ்வமைப்புக்கு கீழ்கண்டவர்களை அமைப்புக் குழுவாக தேர்ந்தெடுத்துள்ளோம்.

ADVISORY COMMITTEE

President: Janab Alhaj T.M. Badurudeen

ADVISORY COMMITTEE MEMBERS

1. Janab K.A. Kamaludeen,

2. Janab O.A. Jabarullah,

3. Janab Alwani Noorul Ameen,

4. Janab K.M. Habeebullah,

5. Janab K.M. Mohamed Farook.

----------------------------------------

President: Janab Aali Syed Ahamed,

Secretary: Janab P.S.P. Sheik Dawood,

Treasurer: Janab V.A.S. Haja Mohideen (Raja)

Executive Members

1. Janab K.A. Mohamed Ziaudeen,

2. Janab Jana Nizam,

3. Janab T.M.A. Haji Mansoor Ali,

4. Janab N.M. Shameem Ahamed,

5. Janab S.A. Nowsath Ali,

6. Janab K.A. Liyakath Ali,

7. Janab Mummeera Ansarudeen,

8. Janab J.H. Ashiq Umar,

9. Janab N.S. Tajudeen,

10. Janab T.A. Haja Maideen

இவ்வமைப்பு எந்தவித தடங்கல்களும் இல்லாமல் நமது ஊர் மக்களுக்கு உதவ எல்லாம் வல்ல அல்லாஹ்விடம் துஆ செய்யுமாறு அன்புடன் கேட்டுக்கொள்கிறோம்.